Биргина жумла 86 минг доллар: Голливуд юлдузларининг бир дақиқалик роли учун олган шов-шувли гонорарлари

Эндигина иш бошлаган актёр истеъдодли бўлиши мумкин, аммо у ҳали таниқли бўлмагани сабабли кам маош олади. Аксинча, баъзида машҳур шахс шунчалар шуҳратпараст бўлиб кетадики, уни камера олдида бир неча дақиқа кўриниш учун ақл бовар қилмас даражада катта пул эвазига таклиф қилишади.

Баъзида эса унинг гонорари ўша фильмдаги бошқа барча актёрларнинг жамики даромадидан ошиб кетиши мумкин.

Гарри Стайлс: 1 дақиқага 380 минг доллар

Хло Чжаонинг 2021 йилдаги “Умрбоқийлар” фильмида Ғарбда машҳур “Ван Дирекшн” гуруҳининг қўшиқчиси сифатида танилган Гарри Стайлс атиги 1 дақиқага кўринади. Бунда ҳам асосий воқеалар эмас, балки титрлардан кейинги қисқа саҳнада.

Бунинг эвазига у 380 минг доллар олади.

Жулия Робертс: 1 дақиқага 500 минг доллар

Гарри Маршаллнинг 2010 йилдаги “Севишганлар куни” романтик комедиясини диққат билан кузацангиз, воқеалар Жессика Альба ва Билл атрофида айланади. Жулия эса экранда бор-йўғи 6 дақиқа кўринади.

Бироқ фильмни янада машҳур қилиш учун режиссёр бу юлдузни таклиф этган. Бунинг учун киностудия 3 миллион доллар сарфлайди.

Робертс олдиндан аванс олиб, қолганини прокат даромадидан фоиз сифатида олишни келишиб олгани сабабли унинг умумий даромади анча кўпаяди. Агар тахминан ҳисобланса, қуйидаги натижа келиб чиқади:

3 млн : 6 дақиқа = 1 дақиқа кадрга тушиш учун 500 минг доллар.

Кичик Роберт Дауни: 1 дақиқа учун 1,25 миллион доллар

Жон Уотцнинг 2017 йилдаги “Ўргимчак одам: уйга қайтиш” фильми учун кичик Роберт Дауни нафақат меҳмон юлдуз, балки қўшимча таркибдаги актёр сифатида ҳам таклиф қилинган.

Актёр экранда 8 дақиқа кўрингани учун 10 миллион доллар ишлаб олади. Оддий ҳисоб-китоб натижасида ҳар бир дақиқа 1,25 миллион долларга тўғри келади.

Вин Дизель: 1 дақиқа учун 6,8 миллион доллар

Жеймс Ганнинг 2014 йилдаги “Галактика қўриқчилари” Голливуд фантастик фильмида меҳмон юлдуз Вин Дизель 8 дақиқадан сал кўпроқ вақтда кўринади. У фақат “Мен Грутман” деган жумлани айтди холос.

Умумий ҳисобда, фильмда иштирок этишдан актёр 54,5 миллион доллар ишлаб олади, яъни ҳар бир дақиқа учун 6,8 миллион доллар — атиги 2 та сўз учун 54,5 миллион доллар.

Арнольд Шварценеггер: бир сўз учун 22 минг доллар

“Темир Арни” робот образи орқали шуҳрат қозонди. Терминатор франшизасининг сериялари суратга олинган сари, актёр иштирок этгани учун кўпроқ пул оларди, аммо кадрда тобора камроқ кўринарди.

Қизиғи шундаки, унинг ҳар сафар айтадиган сўзлари жуда кам эди. Агар унинг экрандан айтган ҳар бир сўзи учун гонорарини ҳисоблаб чиқсак:

1-фильмда — 17 та ибора учун 75 минг доллар, яъни ҳар бир ибора учун 4,4 минг доллар;

2-фильмда — 15 миллион доллар, бу эса аввалги қисмга нисбатан 200 баравар кўп. 

3-фильмда — асосий иш ҳақи 30 миллион доллар + муваффақиятли прокат натижасида қўшимча 5 миллион доллар фойда;

5-фильмда — 15 миллион доллар.Гап шундаки, Шварц 5-қисмда атиги 700 дан ортиқ сўз талаффуз қилган. Яъни бир сўз учун деярли 22 минг доллар тўланган.

Унинг энг машҳур жумласи “Hasta la vista, baby” эса мутахассисларнинг таъкидлашича, 86 минг долларга баҳоланган.