Украина армияси Донецк вилоятида Россия томонидан жанг қилаётган хитойлик икки ҳарбийни асирга олган эди. Асирдагилардан бири нега Украинага қарши урушга киришганини маълум қилди. Бу ҳақда “Украинская правда” хабар берди.
Маълум бўлишича, хитойлик асирга Россия фуқаролиги ваъда қилинган. У Хитойдан воситачи орқали сайёҳ сифатида жўнаб кетган. Россия Қуролли кучлари сафига кириш имконияти учун у 300 минг рубль (салкам 3 500 доллар) тўлаган. Асир Хитой фуқароларидан тузилган гуруҳ таркибида вақтинча босиб олинган Луганск вилоятида тайёргарликдан ўтган.
Хитойликлар тайёргарлик пайтида таржимонсиз бўлган, имо-ишоралар ва мобил таржимондан фойдаланган. Бундан ташқари, у гуруҳдаги баъзи иштирокчилар Хитойда қонун билан боғлиқ муаммога эга бўлганини айтган.
Хитойлик аскар ўзга тилни яхши билмаслиги туфайли ҳужум ҳаракатлари пайтида вазиятни яхши англай олмаган, шунинг учун гуруҳ йўқотишларга учраган ва таслим бўлишга қарор қилган. Ҳозирда қўлга олинган шахс тергов билан ҳамкорлик қилмоқда, унинг шахси ва фуқаролиги тасдиқланган. Хитой асирга тушган фуқаролари бўйича тафсилотларни аниқлаштириш учун Украина билан алоқада эканини билдирди.
Январь ойида Украина армияси Курск вилоятида шимолий кореялик икки аскарни асирга олганди. Президент Владимир Зеленский 12 январь куни улар сўроққа тутилгани акс этган видеони эълон қилган. Сўроқ пайтида КХДР аскарлари қаердалигини билмаслиги, уларга бу фақат ўқув машғулоти деб айтилганини таъкидлаган.
Изоҳ (0)