Forbes нашри 2025 йилнинг миллиардерлар рўйхатини эълон қилди. Унга киритилган шахслар сони 3000 дан ошди. Мазкур журнал илк бор 1987 йилда энг бадавлат инсонлар рейтингини тузган, ўша вақтда дунёда атиги 140 нафар шахснинг бойлиги 1 миллиард долларга етар эди. Эндиликда 2025 йилга келиб ушбу сон 3028 тага етди. Forbes энг бадавлат инсонларнинг умумий бойлигини 16,1 триллион доллар деб баҳоламоқда — бу ўтган йилги суммадан 2 триллион долларга кўпроқ.

Жорий йилда Forbes ўзининг миллиардерлар рейтингига 288 нафар одамларни киритди, уларнинг умумий бойлиги 680 миллиард долларни ташкил этди, яъни ўртача ҳар бир шахснинг бойлиги 2,4 миллиард долларга баҳоланади. Шунингдек, рўйхатга киритилганларнинг аксарияти (288 дан 196 нафари) ўз бойликларини мерос қилиб эмас, балки мустақил равишда ишлаб топган.
Миллиардерларнинг янги рўйхатига киритилган таниқли шахслар орасида собиқ курашчи, ҳозир эса промоутер ва медиа магнат бўлган Винс Макмен ҳам бор. У мустақил тарзда бойиб кетганлар рейтингида биринчи ўринда турибди. Vins World Wrestling Entertainment (WWE) ва TKO Group Holdings асосчиси бўлиб, ҳозирда WWЕ ва Ultimate Fighting Championship (UFC) ни бошқаради. Forbes унинг умумий бойлигини 3 млрд доллар деб баҳолаган.
Ундан кейинги ўринда, ажойиб қўшиқлар ижрочиси ва мусиқачи Брюс Спрингстин турибди. Forbes экспертлари баҳосига кўра, унинг бойлиги 1,2 миллиард долларни ташкил этади. Унинг даромади Sony компанияси билан ҳамкорликда қўшиқлар каталогини сотишдан ўсган, компания хит мусиқалар ҳуқуқи учун 500 миллион доллар тўлаган.
-IerkRL52.avif)
Шунингдек, актёрлардан Арнольд Шварценеггер ва Жерри Сайнфелднинг бойлиги 1,1 миллиард доллардан ошди. Шварценеггернинг кино кассаларидан даромади 5,5 миллиард долларни ташкил этадиган 50 га яқин фильмда иштирок этган юлдуздир. Жумладан, актёр 1988 йилда машҳур бўлган “Эгизаклар” комедиясидан ялпи тушумнинг 20 фоизини (тахминан 35 миллион доллар) олган.
Шварценеггер карьерасининг илк йиллариданоқ даромадини кўпайтириш мақсадида турли бизнес ва лойиҳаларга сармоя киритди. Масалан, у Калифорнияга кўчганидан кўп ўтмай, бодибилдингдан келган даромадини Санта Моникадаги турар жой сотиб олиш учун ишлатди. Шунингдек, Main Street Advisors машҳур инвестиция фирмасининг илк мижози бўлди, Starbucks ва Google каби хусусий компаниялар акцияларга сармоя киритди. 1996 йилда у Dimensional Fund Advisors хусусий корхонасининг 5 фоиз акцияларини сотиб олди. Бугунги кунда ушбу гигант компания активлари 718 миллиард долларга тенгдир.
Forbes экспертлари 3028 нафар миллиардер рўйхатига “машҳур инсонлар” тоифасига 18 нафар таниқли юлдузларни киритган (ўтган йил 14 та эди) ва уларнинг умумий бойлигини 39 миллиард доллар деб баҳолаган (ўтган йил 31 миллиард доллар эди). Уларнинг орасида энг бойлари режиссёрлар Стивен Спилберг (5,3 миллиард доллар) ва Жорж Лукас (5,1 миллиард доллар) ва Майкл Жордан (3,5 миллиард доллар) лардир.
Изоҳ (0)