Миллиардер Илон Маскка тегишли SpaceX компанияси илк бор космик сайёҳлар бўлган Crew Dragon кемасини орбитага учирди.
-NhsaIS9-.avif)
Fram2 миссияси экипажи Ер қутблари устидан 425–450 км баландликда парвоз қилади. Парвознинг бош ҳомийси Малтадан бўлган хитойлик тадбиркор ва тадқиқотчи Чун Ван ҳисобланади. У парвоз учун қанча сарфлагани номаълум, битим қиймати ошкор этилмаган.
Экипаж таркибига норвегиялик режиссёр Яннике Миккелсен, австралиялик тадқиқотчи Эрик Филипс ва германиялик биринчи аёл космонавт Рабея Рогге ҳам кирган. Улар биринчи марта космосга чиққан.
Фрам2 миссияси уч кундан беш кунгача давом этади. Экипаж аъзолари қутб ёғдусига ўхшаш “Стив” атмосфера ҳодисасини ўрганади, космосда рентген суратларини олади ва парвознинг соғлиққа таъсирини баҳолайди. Экипаж Starlink роутер орқали интернетга уланади.
Улар инсониятнинг коинотни узоқ муддат давомида ўрганиш имкониятларини кенгайтириш ва космосда инсон саломатлигини тушунишга ёрдам берадиган 22 та илмий тадқиқот ўтказади. Экипаж орбитада бўлган давр мобайнида илк бор рентген суратини олишни, мушак ва скелет массасини сақлаб қолиш учун тадқиқот машқлар амалга оширишни ҳамда микрогравитация шароитида замбуруғларни етиштиршни режалаштирмоқда, дейилади хабарда.
Эслатиб ўтамиз, 10 сентябрь куни SpaceX компанияси Polarис миссиясини муваффақиятли учирган ҳолда илк хусусий коинотга парвозни амалга оширди. Икки йиллик тайёргарлик ва бир неча кечиктирилган парвозлардан сўнг, Polarис Dawn миссиясининг тўрт нафар астронавти SpaceX компаниясининг Dragon кемаси ва Falcon 9 ракетасида муваффақиятли парвоз қилди.
Улар энг узоқ ва баланд орбитал парвозни амалга ошириб, илк бор космик сайёҳни очиқ космосга олиб чиқиши керак эди. 15 сентябрь куни Crew Dragon кемаси Polaris Dawn тижорат миссиясининг тўрт нафар астронавти билан Ерга муваффақиятли қайтиб келди.
Изоҳ (0)