“Манчестер Сити” ёзда “Арсенал”нинг франциялик ҳимоячиси Вильям Салибани сотиб олишга ҳаракат қилмоқчи. Бу ҳақида Дефенса Central нашрига таяниб Football24 нашри хабар берди.
Трансферни амалга оширишни “Сити” бош мураббийи Пеп Гвардиоланинг шахсан ўзи истамоқда. Яқин вақт ичида “Манчестер Сити” “Арсенал”га Салиба учун таклиф юбориши кутилмоқда. Маълумотларга кўра, Англиянинг амалдаги чемпиони футболчини қўлга киритиш мақсадида исталган суммани тўлашга тайёр эканлигини билдирган.
Шунингдек, Мадриднинг “Реал” клуби ҳам Салибанинг хизматларига қизиқмоқда. “Қироллик клуби” ҳозирда футболчининг атрофидаги вазиятни кузатиб бормоқда. Агар имкон пайдо бўлса, ҳимоячини ўз сафига қўшиб олишга ҳаракат қилади.
Маълумот учун, Вильям Салиба жорий мавсум “Арсенал” сафида 39 та ўйинда майдонга тушиб, ўз ҳисобига 2 та гол ёздириб қўйди. Transfermarkt портал ҳимоячининг нархини 80 миллион евро деб баҳоламоқда.
Изоҳ (0)