Buxoroda jinoyat sodir etib qochib yurgan o‘zbekistonlik Rossiyada qo‘lga olindi. Bu haqda viloyat IIB xabar berdi.
Ma’lum qilinishicha, Qorovulbozor tumanining “Bo‘zachi” mahallasida ro‘yxatda turuvchi S.J. Jinoyat kodeksining 169-moddasi 3-qismida ko‘rsatilgan jinoyatni sodir etib, suddan yashiringani sababli, Jinoyat ishlar bo‘yicha Qorovulbozor tumani sudi tomonidan unga nisbatan qidiruv e’lon qilingan.
Buxoro viloyat IIB xodimlari tomonidan olib borilgan tezkor-qidiruv tadbiri davomida Rossiya hududida yashiringan manzili aniqlanib, qo‘lga olindi va O‘zbekistonga ekstraditsiya qilinib, tergov hibsxonasiga joylashtirildi.
Qidiruvdagilar
Sirdaryo viloyati Yangiyer shahrida 13 yoshli qizning jasadi o‘z uyidan qotillik alomatlari bilan topilgan edi. Shundan keyin viloyat IIB uni o‘ldirishda gumonlangan erkakka nisbatan qidiruv eʼlon qildi. Avvalroq qizning onasi bu qotillikda ishqiy munosabat bildirib yurgan erkakdan gumon qilayotganini taʼkidlagan edi. Aytishicha, erkak oilasiga biror marta yomon so‘z gapirmagan, ayolga uni yoqtirib qolganini bildirgan.
Shuningdek, Sirdaryo viloyati Yangisher shahrida yashovchi, og‘ir jinoyat sodir etganlikda gumonlanayotgan 50 yoshli erkak qidirilmoqda. Uning topilishida ko‘maklashgan fuqarolar 30 mln so‘m bilan mukofotlanadi. Xabar bergan fuqarolarning shaxsiga oid ma’lumotlari sir saqlanishi kafolatlanadi.
Izoh (0)