Сирдарёда футбол майдонидаги одамлар устига Captiva ҳайдаган эркакка ҳукм ўқилган эди. МИБ ахборот хизматининг “Дарё”га хабар беришича, машина аукционда сотилди.
Воқеа 2024 йил 29 май куни соат 18:00 ларда вилоятнинг Сайхунобод туманида содир бўлган. Мазкур ҳолат Сирдарё вилояти ИИБ масъул ходимлари томонидан ўрганилиб, ҳайдовчига нисбатан Жиноят кодексининг 277- моддаси (безорилик) билан жиноят иши қўзғатилиб, тегишли тартибда қамоққа олинган. Автомашина жарима майдончасига жойлаштирилган.
Судда даъвогарлар ундан шикояти йўқлигини билдирган. Лекин машинаси олд қисми билан икки нафар шахсни туртиб юбориб, воқеа жойидан қочиб кетгани сабабли уни оқлаб бўлмаслиги таъкидланган. Унга нисбатан 4 йил 6 ой озодликдан маҳрум қилиш жазоси тайинланган.
Суд ҳукмига кўра мазкур автомашинани давлат даромадига ўтказиш белгиланиб, ижроси Мажбурий ижро бюросига юклатилган эди. Бюронинг Сайхунобод туман бўлими томонидан олиб борилган ижро ҳаракатлари давомида мазкур автомашина баҳоланган ва аукционга чиқарилган.
Жорий йилнинг 3 март куни ўтказилган аукционда машина 100 млн 567 минг сўмга сотилиб, сотувдан тушган маблағ давлат даромадига ўтказилиши таъминланди.
- Фарғонада қидирувдаги Lacetti автоҳалокат оқибатида пачоқланган ҳолда бошқа ҳудуддан топилди
- Хоразмда эркакнинг Captivaъси хатлангач, алимент қарзини тўлади
- Фарғонада қарздорнинг қидирувдаги автомобили ЙТҲ натижасида носоз ҳолатда топилди
- Қашқадарёда электрдан қарзи бўлган фуқаронинг Captivaъси хатланди
Изоҳ (0)