Тошкент шаҳрида 272 та жаримаси бўлган қидирувдаги автомашина бошқа ҳудуддан топилди, деб хабар бермоқда МИБ ахборот хизмати “Дарё”га.
![](/static/2024/09/07/n-N_srcvOq.jpg)
Қайд этилишича, Тошкент шаҳар ҳудудларида мажбурий ижро бюросининг Тошкент шаҳар тезкор қидирув шўбаси бўлими ходимлари томонидан тезкор рейд тадбирлари ўтказилмоқда. Жумладан, куни кеча Бюронинг Мирзо Улуғбек туман бўлими иш юритувидаги ЙҲХБнинг жами 272 та қарори юзасидан қарздорга тегишли Nexia-3 га банд солиниб, қидирув эълон қилинган.
Тадбир давомида юқоридаги қарздорликлар юзасидан қидирув эълон қилинган транспорт воситаси мажбурий ижро бюросининг Тошкент шаҳар бошқармаси тезкор қидирув шўбаси бўлими ходими томонидан Тошкент вилоятидан топилиб, жарима майдончасига жойлаштирилди.
Ҳозирда мазкур машинани реализация қилиш ишларига киришилди.
Аввалроқ Тошкент вилояти Оҳангарон туманида банкдан 420 миллион сўм қарзи бор фуқаронинг машинаси хатлангани, Тошкент вилоятида МИБ томонидан “свет”дан 22,6 млрд сўм қарздорлик ундирилгани, Тошкентда қарздор ташкилотнинг Malibuъси аукционда сотиб юборилгани тўғрисида хабар берилганди.
Изоҳ (0)