Сирдарё вилояти Янгишер шаҳрида яшовчи, оғир жиноят содир этганликда гумонланаётган 50 ёшли эркак қидирилмоқда. Бу ҳақда Самарқанд вилояти ИИБ хабар берди.
Маълум қилинишича, вилоятнинг Янгиер шаҳар “Ободюрт” маҳалласи Самарқанд кўчаси 8-уйда яшовчи 1975 йилда туғилган Йўлдошали Холтўраев оғир турдаги жиноят содир этганликда гумонланиб қидирилмоқда.
Алоҳида белгилари: бўйи 170-175 см атрофида, буғдойранг, озғин. Эгнида сариқ-кўк чизиқли кўйлак, қора рангли шим бўлган. Сўнгги бор уни Жиззах вилоятининг қатор ҳудудларида кўришган.
Қайд этилишича, унинг топилишида кўмаклашган фуқаролар 30 млн сўм билан мукофотланади. Хабар берган фуқароларнинг шахсига оид маълумотлари сир сақланиши кафолатланади.
Яна бир қидирувдаги эркак ҳақида
Сирдарё вилояти Янгиер шаҳрида 13 ёшли қизнинг жасади ўз уйидан қотиллик аломатлари билан топилган эди. Шундан кейин вилоят ИИБ уни ўлдиришда гумонланган эркакка нисбатан қидирув эълон қилди. Аввалроқ қизнинг онаси бу қотилликда ишқий муносабат билдириб юрган эркакдан гумон қилаётганини таъкидлаган эди. Айтишича, эркак оиласига бирор марта ёмон сўз гапирмаган, аёлга уни ёқтириб қолганини билдирган.
Изоҳ (0)