Нью Ёрк штатида 28 июнь куни полициячи қўлидаги ўйинчоқ қуролни ҳақиқий деб 13 ёшли болани отиб ташлади. Бу ҳақда Sky News хабар берди.
Маълум қилинишича, полиция ходимлари кўчада улар қидираётган ўғрилар тавсифига мос келадиган икки ўсмирни тўхтатган. Йигитлардан бири қочиб кетган. Унинг ёнида Glock 17 Gen 5 тўппончасига ўхшаш қурол бўлган.
Ижтимоий тармоқларда эълон қилинган кадрларда болани бир офицер қувиб, уни ерга ётқизаётганини кўриш мумкин. Уларнинг олдига яна икки нафар полициячи келган, шундан кейин ўқ овози эшитилган.
“Вой худойим, у болани отиб ташлади”, — дейди видеода овози эшитилган одам.
Бола Мьянмадан келган муҳожирлар оиласидан бўлган. У кўкрак қафасидаги жароҳатдан шифохонада вафот этган. Маҳаллий полиция Glock белгилари ва серия рақамларига эга бўлган тўппонча нусхаси суратларини эълон қилган. Улар вазиятни ўрганиб, тергов натижаларини очиқлашга ваъда бермоқда.
-ejwg8B4k.jpg)
11 май куни АҚШда ҳарбий учувчи адашиб отиб ўлдирилганди. Ўз уйида ўлдирган маҳрумнинг адвокати ҳуқуқ-тартибот идоралари ходимлари нотўғри бинога бостириб кирганини айтган. Полициянинг айтишича, бу ўзини ҳимоя қилиш бўлган, чунки ҳарбий тўппонча билан қуролланганди.
Изоҳ (0)