Моdren Talking гуруҳининг шоу-бизнес оламидаги оламшумул муваффақиятини Европада ҳозиргача ҳеч қайси санъаткор такрорлай олмади. Томас Андерс ҳамкасби ва ижодий ғоялар катализатори Дитер Болен машҳур гуруҳни яратиш ташаббускори бўлганини ҳеч қачон инкор этмаган.
Бургомистернинг ўғли Томас Андерс ўзининг ажойиб мусиқий қобилиятини болалигидаёқ намоён этган. Ота-онаси унинг турли мусобақалардаги муваффақиятларидан жуда хурсанд бўлишади. Вақт ўтиб, немис саҳнасида жозибали кўринишга эга ва ғайриоддий юмшоқ, лирик овозли ёрқин қўшиқ ижрочиси пайдо бўлади. 1983 йилда ёш йигитнинг ҳаётида муҳим воқеа юз беради: Томас продюсер ва бастакор Дитер Болен билан танишади. Шундай қилиб, машҳур “Модерн Talkинг” дуэти ташкил этилади.
Томас Андерснинг ёқимли овози айниқса 80 йилларнинг охирида ҳар бир радио ва телеканаллардан янграр эди. “Chery chery lady” ва “Your Мy Heart” хитлари рақс майдонларида энг хит тароналар ҳисобланар эди.
Гуруҳга яна бир солист — йигирма ёшли Бернд таклиф этилганди. Кастингдан ўтказиш масаласида Дитер жуда талабчан эди. У Вейдунгнинг қўшиқ ижросини эшитиб, қувончдан сакраб тушган. Унинг ички овози ҳам панд бермаган: 1984 йил 29 октябрь куни Гамбургда мазкур гуруҳнинг биринчи сингли чиққач, санъат соҳасига эндигина кириб келган Бернд Вейдунг ва Томас Андерс дуэти Европанинг хит тароналари рейтингида кетма-кет юқори поғоналарни эгаллади.
Дуэтнинг илк альбоми “Тhe 1st Album” (1985) дунё бўйлаб 8 миллион нусхада сотилди ва “You're My Heart” қўшиғи хитга айланди. Кейинчалик “Chery, chery Lady”, “Brother Louie”, “Аtlantic Ic Calling”, “Geronimus Cadillac” (1986) каби қўшиқлар ҳам ҳит-парадларни забт этди.
Болен ва Андерснинг бир-бирига ўхшамас, контраст ташқи кўриниши “Моdren Talking” нинг дунё миқёсида машҳурликка эришиш омилларидан бири ҳисобланади: Бақувват ва бир оз қўпол кўринишдаги сариқ сочли, нозик овозли ва косметикадан фойдаланадиган қорамағиз йигит образи бир-бирини тўлдирар эди. Томаснинг ажойиб ва бир оз аёлларга хос қиёфаси баъзан турли ҳазилларга сабаб бўлар эди: айрим мухлислар ҳатто дуэтнинг иккинчи аъзосини қиз бола деб ўйлашган.
Андерс эса ўзининг андроген қиёфасидан мутлақо уялмас эди, аксинча, у косметика ишлатар ва “эркакларга хос бўлмаган” услубдаги кийим ва рангларни танлар эди. Унинг бошқаларга ўхшамас қиёфаси кўплаб миш-мишларга сабаб бўлган бўлса-да, улар ҳақиқатдан йироқ эди. Дуэт ташкил этилган йилда Андерс Нора Баллингг исмли аёлга уйланди.
Дарҳақиқат, уни “Моdern Talking” дуэтининг тарқалиб кетишида айблашади, чунки Нора гуруҳ фаолияти билан боғлиқ барча масалаларда фаол иштирок этишни истаган ва бу яхшиликка олиб келмаган. 1999 йилда Томас у билан ажрашди, орадан бир неча ой ўтгач эса, Томас таржимон аёл Клаудия Хессга уйланди. Ҳозирда жуфтлик бахтли ҳаёт кечирмоқда, уларнинг бир нафар ўғли бор.
1998 йилда дуэт кутилмаганда қайта бирлашди ва янги альбомлар чиқара бошлади. “Back for Good” (1998) альбоми катта шов-шувга сабаб бўлиб, “Моdern Talking” яна жаҳон миқёсида машҳурликка эришди. Уларнинг янги ҳитлари орасида “You are Not Alone”, “China in Her” каби қўшиқлар ўрин олган. Бироқ 2003 йилда дуэт яна ажралди.
Томас Андерс эса яккахон ижод қилишда давом этди. У нафақат Европа, балки АҚШ ва Лотин Америкаси учун ҳам қўшиқлар ёзишни муваффақиятли давом эттирди. Унинг қўшиқлари мавзуси доимгидек муҳаббат мавзусида бўлиб, немис, испан ва инглиз тилларида куйлайди.
Моdern Talking бугунги кунда ҳам ретро мусиқа мухлислари орасида катта эътиборга эга. Уларнинг қўшиқлари ҳали ҳам радиоларда янграйди, янги авлод томонидан севиб тингланади ва ремикс шаклида қайта ишланади.
Изоҳ (0)