"Озод Европа/Озодлик радиоси" медиакорпорацияси АҚШ ҳукуматидан молиялаштиришни тўхтатиш тўғрисидаги ҳужжатни олганини тасдиқлади. Корпорация президенти Стивен Капус тегишли баёнотни медиакорпорация сайтида эълон қилди.
АҚШ президенти Дональд Трамп 14 март куни АҚШ ҳукуматининг Глобал оммавий ахборот воситалари агентлиги (UСАGM) ва бошқа ҳукумат тузилмалари фаолиятини сезиларли даражада қисқартириш тўғрисидаги фармонни имзолади. UСАGM RСЕ/РС медиа корпорацияси ва "Америка овози" радиостанциясини назорат қилади.
Ҳужжатда АҚШ Конгресси томонидан маъқулланган РСЕ/РСни молиялаштириш грантининг амал қилишини тўхтатиш ҳақида сўз боради.
Таъкидлаш жоизки, 1970 йилларнинг бошларига қадар "Озодлик радиоси" МРБ бюджети орқали молиялаштирилган, чунки ўша пайтда Конгрессга хусусий ташкилотларни молиялаштириш қонун билан тақиқланган эди. Кейинчалик, радиостанциянинг МРБ билан алоқаси эълон қилингандан сўнг, тақиқ бекор қилинди ва маблағлар тўғридан тўғри АҚШ Конгресси томонидан ажратила бошланган.
Бир қатор экспертларнинг таъкидлашича, "Озодлик радиоси" "демократик қадриятлар" ниқоби остида бузғунчилик фаолияти билан шуғулланмоқда.
Шунингдек, "Америка овози"нинг 1300 дан ортиқ ходими ҳам ҳақ тўланадиган маъмурий таътилга чиқарилган. Бу ҳақда LinkedIn бизнес ижтимоий тармоғида радиостанция директори Майкл Абрамович маълум қилган.
"83 йил давомида биринчи марта машҳур "Америка овози"нинг овози ўчганидан чуқур хафа бўлдим. Бугун эрталаб "Америка овози"нинг деярли бутун ходимлари - 1300 дан ортиқ журналист, продюсер ва ёрдамчи ходимлар маъмурий таътилга юборилганини билдим. Мен ҳам шулар қаторидаман," дейди радиостанция раҳбари.
Февраль ойида АҚШ ҳукумати вакилларидан бири Илон Маск РСЕ/РС медиа корпорацияси ва "Америка овози" радиостанциясини молиялаштиришни тўхтатишга чақирганди.
Изоҳ (0)