“Катта еттилик” (G7) давлатлари Россия Украина билан ўт очишни тўхтатишдан воз кечса, унга иттифоқ аъзолари томонидан янги санкциялар қўлланилиши мумкинлигини маълум қилди. Бу ҳақда Reuters G7 баёноти лойиҳасига асосланиб хабар бермоқда.
“G7 аъзолари Россияни тенг шартларда ўт очишни тўхтатишга розилик билдириш ва унга тўлиқ амал қилиш орқали муносиб жавоб қайтаришга чақирди”, дейилади Буюк Британия, Канада, Франция, Германия, Италия, Япония ва АҚШни ўз ичига олган G7 давлатлари баёнотида.
Бироқ ушбу лойиҳа ҳали мазкур мамлакатлар вазирлари томонидан тасдиқлангани йўқ.
Дипломатлар ҳар қандай ўт очишни тўхтатиш келишувига қатъий риоя қилиш зарурлигини таъкидлаб, бунинг учун тегишли хавфсизлик механизмлари кераклигини алоҳида қайд этишган.
“Улар ҳар қандай ўт очишни тўхтатиш келишувига қатъий амал қилиш лозимлигини таъкидладилар ҳамда Украинанинг янги тажовузкор ҳаракатларни бартараф этиши ва улардан ҳимояланишини кафолатлайдиган ишончли ва самарали хавфсизлик чоралари зарурлигини алоҳида қайд этди”, дея хулоса қилинган баёнотда.
13-март куни дунёнинг еттилик гуруҳи давлатлари ташқи ишлар вазирлари ва АҚШ президенти Дональд Трамп Канадада учрашиши хабар қилинганди. Учрашувда Украинага нисбатан янгиланаётган ташқи сиёсат масалалари муҳокама қилиниши режалаштирилганди.
Изоҳ (0)