Transfermarkt портали ўзбекистонлик футболчиларнинг янгиланган нархини эълон қилди. Унга кўра, “Ланс” клуби ва миллий жамоа ҳимоячиси Абдуқодир Ҳусановнинг нархи 12 миллион еврога етди ва Ўзбекистоннинг энг қиммат футболчисига айланди.
“ЦСКА” клуби футболчиси Аббосбек Файзуллаев 6 миллион евро нарх билан иккинчи ўринни эгаллаб турибди. Ўзбекистон миллий жамоаси сардори ва “Рома” клуби футболчиси Элдор Шомуродов 5 миллион евро билан кучли учликни якунлаб берган.
Ундан кейинги икки ўринда “Персеполис” клуби ўйинчиси Остон Ўрунов (2,5 миллион евро) ва “Ал-Файҳа” футболчиси Отабек Шукуров жойлашган.
Маълумот учун, Абдуқодир Ҳусановга берилган қиймат Ўзбекистон футболчилари орасидаги иккинчи натижа ҳисобланади. “Рома” клубига ўтган Элдор Шомуродов портал томонидан 14 миллион еврога баҳоланган эди.
Аввалроқ портал Аббосбек Файзуллаевни Ўзбекистоннинг энг қиммат футболчиси сифатида эътироф этганди.
Изоҳ (0)