Футбол бўйича Италия чемпионатининг 26-туридан ўрин олган сўнгги баҳсда “Рома” ўз майдонида аутсайдер “Монса”ни қабул қилди.
Мезбонлар рақиб дарвозасига жавобсиз 4 та тўп киритди. Римликлар сафида майдонга тушган Ўзбекистон миллий жамоаси сардори Элдор Шомуродов 70 дақиқа ҳаракат қилиб, 1 та гол урди ва яна бир голга ҳаммуаллифлик қилди.
Учрашувнинг 10-дақиқасида Салемакерс Элдорнинг пасидан кейин зарба бериб ҳисобни очди. 32-дақиқада Soulэнинг узатмасини Шомуродов бош билан зарба йўллаб голга айлантирди. Иккинчи бўлимда Анхелино ва Кристантелар гол уриб, ҳисоб 4:0 бўлишини таъминлади.
Ушбу ғалабадан сўнг, Рим клуби очколари сонини 40 тага етказиб, 9-ўринни эгаллаб турибди. “Монса” 14 очко билан 20-поғонада қолди.
А Серия
26-тур
24 февраль, душанба
“Рома” — “Монса” 4:0
Голлар: 1:0 — Салемакерс (10), 2:0 — Шомуродов (32), 3:0 — Анхелино (73), 4:0 — Кристанте (88).
“Рома”: Свилар, Манчини, Ҳуммелс, Ндика, Салемакерс (Ренч, 70), Кристанте, Писилли, Анхелино (Салоҳ-Эддин, 80), Балданзи (Дибала, 62), Soulэ, Шомуродов (Паредес, 70).
“Монса”: Турати, Брорссон, Лекович, Карбони (Паласиос, 76), Перейра, Бянко, Урбански (Мартинс, 56), Кириопулос, Чурриа (Зероли, 56), Мота (Кейта, 56), Ганвоула (Петанья, 46).
Огоҳлантириш: Бянко (58).
Изоҳ (0)