Футбол бўйича Италия чемпионатининг 26-туридан ўрин олган сўнгги баҳсда “Рома” ўз майдонида аутсайдер “Монса”ни қабул қилиб, йирик ҳисобда ғалаба қозонди.
Мезбонлар рақиб дарвозасига жавобсиз 4 та тўп киритди. Римликлар сафида майдонга тушган Ўзбекистон миллий жамоаси сардори Элдор Шомуродов 70 дақиқа ҳаракат қилиб, 1 та гол урди ва яна бир голга ҳаммуаллифлик қилди.
Учрашувнинг 10-дақиқасида Салемакерс Элдорнинг пасидан кейин зарба бериб ҳисобни очди. 32-дақиқада Сауленинг узатмасини Шомуродов бош билан зарба йўллаб голга айлантирди.
Sofascore нашри ўзбекистонлик футболчининг ҳаракатларини 8,1 баллга лойиқ кўрди. Шомуродовнинг голига ассистлик қилга Soulэ 8,6 билан баҳоланди. Гол+ассист қайд этган яна бир футболчи Кристантега нашри ўйиндаги энг юқори баллни қўйди — 9,1 балл. Жамоа сардори Манчини жамоа таркибида энг паст 6,9 балл олган.
Брорссон “Монса” таркибида 7 баллга лойиқ кўрилган ягона футболчи. Меҳмонлар таркибида жароҳат олиб 76-дақиқада алмаштирилган Карбони 5,9 балл билан баҳоланган.
Ушбу ғалабадан сўнг, Рим клуби очколари сонини 40 тага етказиб, 9-ўринни эгаллаб турибди. “Монса” 14 очко билан 20-поғонада қолди. “Рома” кейинги учрашувни якшанба, 2 март куни “Комо”га қарши ўтказади.
Изоҳ (0)