Футбол бўйича Италия чемпионатининг 25-турида “Рома” сафарда “Парма” билан тўқнашди ва минимал ҳисобда ғалаба қозонди.
Учрашувнинг 31-дақиқасида Элдор Шомуродов шериги Сулени бирга-бир вазиятга чиқариб юборди ва рақиб ҳимоячиси аргентиналик футболчини йиқитишга мажбур бўлди. Аввалига ҳакам пенальти белгилаб, мезбонлар ҳимоячисига сариқ карточка берди. VAR ёрдамида ушбу вазият жарима майдонидан ташқари содир бўлгани аниқланди ва пенальти бекор қилинди. Ҳимоячининг сариқ карточкаси қизилга айланди. Белгиланган жарима тўпи голга айланди.
Учрашувнинг қолган қисмида бир киши кам бўлиб ҳаракат қилишга мажбур бўлишига қарамай, меҳмонлар бошқа тўп ўтказиб юбормади. “Парма” дарвозабони Suzuki ишончли ҳаракат қилди. Баҳс якунига қадар ҳисоб ўзгармади ва “Рома” меҳмондан 3 очко билан қайтди.
Ранери жамоаси очколарини 37 тага етказиб, 9-ўринни эгаллаб турибди. “Парма” клуби 20 очко билан 18-поғонада қолди.
А Серия
25-тур
16 февраль, якшанба
“Парма” — “Рома” 0:1
Гол: 0:1 — Суле (33).
“Парма”: Suzuki, Валери, Леони, Волякко (Камара, 66), Дел Прато, Зом, Бернабе (Ондрейка, 77), Кейта (Алмквист, 46), Канчелери (Ловик, 66), Бонни, Ман (Балог, 35).
“Рома”: Свилар, Ндика, Манчини (Нелссон, 46), Челик, Салоҳ-Эддин (Анхелино, 77), Коне (Пеллегрини, 46), Паредес, Гурна-Дуат, Салемакерс (Балданзи, 65), Шомуродов, Суле.
Огоҳлантиришлар: Суле (34), Пеллегрини (55), Гарна-Дуат (63), Балог (82), Алмквист (85).
Четлатиш: Леони (31).
Изоҳ (0)