Элдор Шомуродов захирадан майдонга тушган ўйинда «Рома» «Фейеноорд» устидан ғалаба қозониб, Конференциялар Лигаси ғолибига айланди
Футбол бўйича Европа Конференциялар Лигасининг финалида «Рома» ва «Фейеноорд» жамоалари 25 май, чоршанба куни баҳс юритди.
Учрашувнинг 32-дақиқасида «Рома» футболчиси Николо Заниоло ҳисобни очди. Иккинчи бўлимда дарвозалар дахлсизлиги сақланиб қолди ва римликлар кичик ҳисобдаги ғалабани ўзиники қилди ҳамда Конференциялар Лигасининг илк ғолиби сифатида тарихга кирди.
Римликлар сафида ўзбекистонлик ҳужумчи Элдор Шомуродов учрашувнинг 89-дақиқасида Тэмми Абраҳам ўрнига майдонга тушди.
Қайд этиш жоиз, «Рома» устози Жозе Моуриньо Чемпионлар Лигаси, Европа Лигаси ва Конференциялар Лигасида ғалаба қозонган илк мураббийга айланди.
Конференциялар Лигаси
Финал
25 май, чоршанба
«Рома» – «Фейеноорд» 1:0
Гол: 1:0 – 32 Заниоло.«Рома»: Руй Патрисиу, Карсдорп (Вина, 89), Смоллинг, Манчини, Рожер, Залевски (Спинаццола, 67), Мхитарян (Сержиу Оливейра, 17), Кристанте, Пеллегрини, Заниоло (Верету, 67), Абраҳам (Шомуродов, 89).
«Фейеноорд»: Бэйло, Гертрюйда, Траунер (Педерсен, 74), Сенеси, Маласиа, Эурснес, Тил (Торнстра, 59), Кекчю, Дессерс, Нелсон (Линссен, 74), Синистерра.
Огоҳлантиришлар: Траунер (25), Пеллегрини (37), Залевски (66), Руй Патрисиу (84), Спинассола (90+4).
