Футбол бўйича Европа Конференциялар Лигасининг 1/2 финал босқичи дастлабки ўйинида «Рома» 29 апрель, пайшанба куни «Лестер» билан баҳс юритди.
Инглиз клуби мезбонлигида ўтган 1:1 ҳисобидаги дуранг билан якунланди. Дастлаб 15-дақиқада Лоренцо Пеллегрини «Рома»нинг тезкор ҳужумини гол билан якунлаб, ҳисобни очди. Бироқ Адемола Лукман 67-дақиқада жарима майдончаси ичидан меҳмонлар дарвозасини ишғол этди ва «тулкилар»ни мағлубиятдан қутқариб қолди.
Шу тариқа «Рома» Англияда кечган баҳсда «Лестер» билан дурангга имзо чекди. Томонларнинг Римдаги жавоб учрашуви 5 май санасига белгиланган.
Қайд этиш керак, мазкур учрашувда «Рома»нинг ўзбекистонлик ҳужумчиси Элдор Шомуродов майдонга туширилмади. 26 ёшли ҳужумчи 1/4 финал доирасидаги «Будё-Глимт»га (Норвегия) қарши баҳсда ҳам захирада қолганди.
Ярим финалнинг иккинчи баҳсида «Фейеноорд» (Нидерландия) ўз майдонида «Марсель»дан (Франция) устун келди.
Конференциялар Лигаси
1/2 финал, дастлабки баҳслар
28 апрель, пайшанба
«Лестер» Англия – «Рома» Италия 1:1
Голлар: 0:1 – 15 Пеллегрини, 1:1 – 67 Лукман.«Лестер»: Шмейхель, Рикарду Перейра, Эванс, Фофана, Кастань (Жастин, 21), Тилеманс, Мэддисон, Дюзбери-Ҳолл, Олбрайтон (Барнс, 62), Варди (Иҳеаначо, 62), Лукман (Перес, 84).
«Рома»: Руй Патрисиу, Карсдорп, Смоллинг, Манчини, Рожер, Залевски (Виня, 85), Мхитарян (Верету, 57), Кристанте, Пеллегрини (Афена-Гьян, 85), Занёло (Сержиу Оливейра, 69), Абраҳам.
Огоҳлантиришлар: Абраҳам (8), Дюзбери-Ҳолл (26), Варди (59), Занёло (63).
Изоҳ (0)