Тошкент шаҳрининг Олмазор туманида автобус ёниб кетди.
Пойтахт ФВБга кўра, 20 февраль куни соат 07:41 да Тошкент халқа автомобиль йўли кўчасида автобусда ёнғин содир бўлаётгани тўғрисида хабар келиб тушди. Шунга кўра, ёнғин-қутқарув экипажи айтилган манзилга соат 07:45 да етиб бориб, ёнғин соат 07:50 да ўчирилди.
Ҳодиса оқибатида ҳалок бўлган ва жабрланганлар йўқ.
Сўнгги йилларда пойтахтда автобусларда ёнғин чиқиши ҳолатлари тез-тез кузатилмоқда. 17 февраль куни Тошкентнинг Шайхонтоҳур туманида автобуснинг мотор қисмининг электр симларида қисқа туташув содир бўлганди. 2024 йил 19 декабрь куни Янги Сергели ва Қипчоқ кўчалари чорраҳасида автобусда ёнғин чиққанди.
Транспорт вазирлиги берган маълумотга кўра, Тошкент шаҳрига яна 1000 та Yutong автобусларини олиб келиш имкониятлари ўрганилмоқда.
Изоҳ (0)