Сенат Ўзбекистонда диний соҳадаги давлат сиёсати концепциясини маъқуллаши, Қашқадарёда ўқувчи ўқитувчисига тарсаки тушириши, қурилиш майдонларида атмосфера ҳавосини бузган ташкилотларнинг мансабдор шахслари жаримага тортилиши — “Дарё” нашри бугун, 20 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда автобус ёниб кетди
Ҳодиса оқибатида ҳалок бўлган ва жабрланганлар йўқ.
Ўзбекистонда банклар 12 ой давомида фойдаланилмаган карталарни блоклаши мумкин
Ҳумо тўлов тизими фаол бўлмаган банк карталарини олдиндан вақтинчалик блоклаб қўйиш тавсия этди.
Ўзбекистонликлар 8 март муносабати билан кетма-кет 3 кун дам олади
Хотин-қизлар куни шанбага тўғри келгани сабабли дам олиш куни душанбага кўчирилади.
Сенат Ўзбекистонда диний соҳадаги давлат сиёсати концепциясини маъқуллади
Унда диний соҳадаги давлат сиёсатининг мақсади, вазифалари, принциплари, устувор йўналишлари ва уларни амалга ошириш механизмлари белгиланмоқда.
Ўзбекистонда ўзига кредит ажратилишини тақиқлаш кўзда тутилган қонун маъқулланди
Қонунда кредит бюроларига нисбатан қўлланадиган чоралар ва санкциялар ҳам акс эттирилмоқда.
Паркентдан Тошкент шаҳригача салкам 24 км узунликдаги темирйўл барпо этилмоқда
Бу ҳақда Тошкент вилояти ҳокими Зоир Мирзаев ўзининг Telegram каналида маълум қилди.
Қашқадарёда ўқувчи ўқитувчисига тарсаки туширди
Ҳолат ўрганилиб, ўқитувчи ва ўқувчининг ота-онаси жавобгарликка тортилди.
Ўзбекистонда 2024 йилдаги қурилиш ишларининг умумий қиймати маълум қилинди
Қурилиш билан шуғулланаётган корхона ва ташкилотлар сони 27 408 тани ташкил этган.
Тошкентда эркак ҳалок бўлган бинодаги қурилиш ноқонуний бўлиб чиқди
У зинапоядан тойиб, бинонинг ертўла қисмига тушиб кетган ва шу жойнинг ўзида вафот этган.
Ўзбекистонда тадбиркорларга уч босқичли жарима қўллаш бекор қилинмоқда
Унинг ўрнига қайтмаган активларнинг 20 фоизи миқдорида бир марталик молиявий жарима қўлланиши мумкин.
Банклардаги омонатдан пул ечиб олаётганда ушбу маблағнинг манбаси ҳақида маълумот талаб қилинмайди — Марказий банк
МБ молиявий хизматлар кўрсатилишига доир юзага келаётган муаммо ва камчиликларни бартараф этиш чораларини кўриб боради.
Ўзбекистонда хиёбонлар, истироҳат боғлари ҳудудларини муҳофаза қилиш кучайтирилади
Аҳоли дам олиши учун фойдаланиладиган ерларни қисқартириш, уларда бино ва иншоотлар қуриш тақиқланиши кўзда тутилган қонун маъқулланди.
“Ўқитувчига ҳеч қандай чора кўрилмаган”. Вазирликнинг Қашқадарёдаги мансабдори омбудсман маълумотининг бир қисмини рад этди
Бошқарма бошлиғи воқеадан сўнг ўқитувчига чора кўрилгани билан боғлиқ ахборот хато эканини, аммо ўқувчининг ота-онасига жарима қўлланганини айтди.
Тошкентда ўқувчини бошига бир неча маротаба урган ўқитувчи жаримага тортилди
Ўқувчи дарсга халақит қилиб, синфхона эшигини бир неча марта тепган ва тақиллатган.
Энди қурилиш майдонларида атмосфера ҳавосини бузган ташкилотларнинг мансабдор шахслари жаримага тортилади
Бугунга қадар миллий қонунчиликда шаҳарсозлик қоидалари доирасида айнан қурилишда чангнинг ҳавога кўтарилишига йўл қўйганлик учун аниқ жавобгарлик назарда тутилмаган.
Ходим иш вақтида ухласа бўладими? Ҳуқуқшунослар тушунтириш берди
Бугун, 20 февраль куни Олий Мажлис сенатининг IX ялпи мажлисида сурхондарёлик сенатор Дилбар Сувонованинг чиқиши пайтида мажлис иштирокчиларидан бири ухлаб ётгани тасвирга тушиб қолди. Сенат ахборот хизматининг маълум қилишича, мажлисида ухлаб қолгани айтилаётган иштирокчининг соғлиғи ёмонлашиб қолган.
Мазкур ҳолат тармоқларда кенг муҳокамаларга сабаб бўлмоқда. “Дарё” мухбири ҳуқуқшунос Муҳаммадамин Каримжоновдан ходим иш вақтида ухлаб қолиши қонунчиликда қандай тартибга солиниши юзасидан изоҳ олди.
Тошкент вилоятида юк машинаси йўлга ўтириб олган шахсни уриб кетди (видео)
Ҳайдовчи эҳтиёт чораси сифатида қамоққа олинди.
Изоҳ (0)