Украина етакчиси Владимир Зеленский АҚШ президенти Дональд Трамп билан Оқ уйда бўлган даҳанаки жанг “ҳар икки томон учун ҳам ёмон бўлганини” айтди. Бу ҳақда у Fox News телеканалида маълум қилди.
“Бу икки томон учун ҳам ёмон”, деди у ўтказилган тадбир Украина халқи учун яхши бўлдими, деган саволга жавобан.
Зеленский Трамп билан учрашувда “жуда нозик нарсалар” муҳокама қилинганини қайд этди. Украина президентининг аниқлик киритишича, Киев ҳамкорлари “вазиятни тўғри тушунишлари” керак.
Шу билан бирга, Зеленский Трамп ва Америка халқига қўллаб-қувватлагани учун миннатдорлик билдирди. Шунингдек, у Украина музокараларда иштирок этишга ва дипломатия билан шуғулланишга тайёрлигига ишонтирди.
“Биз тинчликка тайёрмиз, лекин кучли позицияга эга бўлишимиз керак. Ва бизда хавфсизлик кафолатлари бўлиши керак”, дея қўшимча қилди Зеленский.
Вашингтонда Трамп ва Зеленский ўртасидаги тортишувнинг асосий мавзуси Украинадаги можарони тинч йўл билан ҳал қилиш истиқболлари бўлди. Оқ уй раҳбари Украина президентини масъулиятсиз ёндашувда айблаб, унинг хатти-ҳаракатлари миллионлаб одамлар ҳаётини хавф остига қўйиши, шунингдек, вазият учинчи жаҳон уруши даражасигача кучайишига таҳдид солаётганини айтди.
Украиналик сиёсатчи Россия билан можарони дипломатик йўл билан ҳал қилиш имкониятини қатъиян рад этиб, илгариги уринишлар, жумладан, турли келишувлар ва энергетика бўйича келишувлар самарасиз бўлганини тилга олди.
Изоҳ (0)