Машҳурларнинг фарзанди бўлиш осон эмас, аммо йигитлар бунинг уддасидан чиқмоқда. Уларнинг ҳар бири ота-онасидан табиий чиройни мерос қилиб олиши билан бирга ўзига хос индивидуалликка ҳам эга.
Дикон Филипп — Риз Уизерспуннинг ўғли
Уизерспуннинг уч нафар ажойиб фарзанди бор, аммо мухлислар қизларнинг севимлисига айланиб бораётган 21 ёшли Дикон Филиппга кўпроқ қизиқиш билдирмоқда. У келишган ташқи кўриниши ва онасига жуда ўхшаши сабабли кўпроқ омма эътиборида бўлмоқда. Дикон ота-онасининг изидан боришга ва ижодкор бўлишга қарор қилган. 2020 йилда у шотландиялик қўшиқчи Нина Несбитт билан бирга ўзининг биринчи “Long Run” қўшиғини чиқарган.
Пресли Гербер — Синди Кроуфорднинг ўғли
25 ёшли Пресли Уокер Гербер IMG Моdels номли мода агентлигида фаолият юритади. У АҚШнинг Readers Choice-2018 танловида йилнинг энг яхши эркак модели номинациясида ғолиб бўлган.
Патрик Шварценеггер — Арнольд Шварценеггернинг ўғли
“Терминатор”нинг ўғли Патрик Жанубий Калифорния университетини тамомлаган. У актёр, фотомодель ва тадбиркор бўлиб ишлайди. У Emporio Armani каби жаҳонга машҳур брендлар рекламаларида иштирок этган.
Круз Бекҳэм — Виктория ва Девид Бекҳэмларнинг ўғли
Круз Бекҳэмга қараб унинг ташқи чиройи онадан, спортга бўлган муҳаббат отадан ўтганини кўриш мумкин. Бундан ташқари, йигит куй басталашни ва гитара чалишни ҳам жуда яхши кўради. Круз учун махсус ажратилган мусиқа студияси бунга мисолдир.
Жейден Смит — Уилл Смитнинг ўғли
Уилл Смит ўғлига болалигидан кино соҳасига кириб келишида яқиндан ёрдам берди. Масалан, Жейден Смит “Бахт изидан” фильмида бош қаҳрамоннинг ўғли ролини ижро этган. Шунингдек, “Эрамиздан сўнг”, “Каратэчи йигит” каби лойиҳаларда отаси туфайли иштирок этган. Ҳозирда Жейден энг бой актёр болалар рўйхатидаги топ-20 таликка киради.
Дилан Ли — Памела Андерсоннинг ўғли
Дилан Ли ҳозирда таниқли супермодель бўлиб, дизайнер Ҳеди Слиман уни Saint Laurent бренди вакили сифатида танлаганидан кейин мода саноатида шуҳрат қозонди. У Vogue журналида пайдо бўлгач ижтимоий тармоқларда мухлислари кўпая бошлади. Дилан Аcne Studios, Аrmani Exchange, Coach, Dolce&Gabbana ва Hugo Boss каби етакчи мода брендлари билан ҳамкорлик қилган. Моделликдан ташқари, юлдуз мусиқа ва актёрлик санъати билан ҳам шуғулланади.
Чарли Олдман — Гари Олдманнинг ўғли
Инглиз модели Чарли Жон Олдман Оскар мукофоти совриндори Гари Олдман ва унинг учинчи рафиқаси Доня Фиорентинонинг ўғлидир. У 2015 йилда Париждаги эркаклар мода ҳафталиги доирасида ўтказилган Saint Laurent кўргазмасида ўзининг чиқиши билан катта шуҳрат қозонган. Шундан сўнг Чарлига кўплаб ҳамкорлик таклифлари берила бошлаган.
Маноло Гонзалес — София Вергаранинг ўғли
Актёр, режиссёр, сценарийлар муаллифи ва тадбиркор Маноло Гонзалес 1991 йилда туғилган. У “Моҳир чавандоз”, “Вандал” каби фильмларда суратга тушган. Оилада ёлғиз фарзанд бўлган Маноло ҳозирда асосан моделлик бизнеси билан шуғулланади.
Изоҳ (0)