Ўзбекистон олтин экспортини 84 фоизга кўпайтирди

Мамлакат етти ойда ўтган йил мос давридагидан 3,5 миллиард долларга кўпроқ олтин сотди. Бу ҳақда Статистика қўмитаси таҳлилида маълум қилинган.

Жорий йил январь июль ойларида Ўзбекистон ташқи савдо айланмаси 44,4 миллиард долларга етди (2024 йил мос давридагидан 19,9 фоиз кўп). Бунда республика экспорти ҳажми 20,1 миллиард доллар (ўсиш 34,9 фоиз), импорт 24,3 миллиард доллар ( ўсиш 9,9 фоиз) бўлган.

Етти ой давомида мамлакат қарийб 7,7 миллиард долларлик олтин экспорт қилган. Ушбу кўрсаткич ўтган йил мос давридагига қараганда 83,7 фоизга кўп. Олтин сотуви республика умумий экспортининг 37,7 фоизини ташкил этган.

Ўтган июль ойида Ўзбекистон экспорти тушумлари 3,2 миллиард доллар бўлган. Шунинг қарийб 1,1 миллиард доллари олтин сотувидан келган.

2025 йил июнь ойида дунё марказий банклари жами 22 тонна олтин сотиб олган. Шундан 9 тоннасини Ўзбекистон Марказий банки харид қилиб, дунёда биринчи ўринни эгаллаган. Мамлакат жорий йил биринчи ярмида 18 тоннага яқин қимматбаҳо металл сотиб, савдо ҳажми бўйича йил бошидан берижаҳонда етакчилик қилмоқда.

Ўзбекистонда жорий йил I ярмида 56,7 тонна олтин қазиб олинган. Бу рақам ўтган йил мос давридагига қараганда 3,8 фоизга юқори.