АҚШ президенти Дональд Трампнинг бир гуруҳ тарафдорлари унинг яна бир муддат ўз лавозимида қолиши учун конституцияни қайта ёзиш кампаниясини бошлади, деб хабар бермоқда NBC News.
Ҳозирда АҚШ конституциясидаги тегишли тузатиш туфайли Трампнинг 3-муддатга сайланиши қонуний жиҳатдан имконсиздир.
NBC News’нинг Оқ уйдаги мухбири Питер Николасга кўра, Трампнинг ўзи тарафдорларининг ҳаракатларига тўсқинлик қилиш учун ҳеч қандай чора кўрмаяпти ва бундан ташқари, у ўзининг кейинги президентлик ғоясини фаол равишда тарғиб қилмоқда. Америка сиёсий доираларининг баъзи вакиллари фикрича, бу билан у ўз мухолифлари ва танқидчиларини шунчаки мазах қилмоқда.
Ўтган дам олиш кунлари Вашингтон яқинида америкалик консерватор сиёсатчилар учун асосий тадбирлардан бири — Консерватив сиёсий ҳаракатлар конференцияси бўлиб ўтди. Йиғилишда намойиш этилган плакатда Трамп қадимги Рим либосида тасвирланган, стенддаги ёзувда эса: “Учинчи муддат лойиҳаси”, “2028 йилда ва унда кейин ҳам Трамп учун” каби ёзувларни кўриш мумкин эди.
Конференция ташкилотчиларидан бири акциянинг мақсади консерватив республикачиларни Трампнинг иттифоқчиси, Теннесси штатидан республикачи конгрессмен Энди Оглз томонидан ўтган ойда таклиф қилинган конституцияга тузатишни қўллаб-қувватлашга кўндириш эканлигини айтди.
Ҳужжат президентлик муддатини 8 йилдан 12 йилгача узайтиришга чақиради. Бундан келиб чиқадики, агар Трамп яна ғалаба қозонса, у 2033 йил январигача (86 ёшгача) ўз лавозимида қолиши мумкин.
Биз Трампни 2028 йилда хоҳлаймиз. Трампга ўхшаган одам мамлакат тарихида бир-икки марта учрайди. Биз Трампни хоҳлаймиз!, деди Оқ уйнинг Трампнинг биринчи муддатидаги катта маслаҳатчиси Стив Баннон конференциядаги нутқи чоғида.
Конституцияни Трамп фойдасига ўзгартириш ғояси ҳақида скептиклар ҳам фикр билдирмоқда. Масалан, Трампнинг 2020 йилги сайловолди кампанияси раҳбари Бред Парскейл NBC News телеканалига берган интервьюсида ташаббусни ҳазилга қиёслади.
Бу содир бўлмаслиги аниқ, аммо танқидчиларнинг бу борада ақлдан озаётганини кузатиш қизиқ, деди у.
Америкалик сиёсатчи Женна Эллис Трамп ўз ваколатларини узайтиришнинг бундай усули ҳақиқатга яқин бўлса, асосий қонунни ўзгартиришга ўтишини таъкидлади.
Бунинг учун конституцияга ўзгартириш киритиш талаб этилади, бироқ шуни унутмайликки, унга ваколат муддатлари сонига чекловлар ўрнатадиган ўзгартиришлар аллақачон киритилган, дея қўшимча қилди у.
Гап 22-тузатиш ҳақида кетмоқда, унга кўра ҳеч ким икки мартадан ортиқ АҚШ президенти этиб сайланиши мумкин эмас.
Президент Трамп яна президентликка сайланиши мумкинлигига ҳеч қандай далил йўқ, деди истеъфодаги федерал апелляция суди судьяси Ж. Майкл Латтиг.
Изоҳ (0)