АҚШ президентига собиқ номзод Ҳиллари Клинтон АҚШ сайловчилар ҳайъатини тугатиш кераклигини маълум қилди. Унинг фикрича, сайловчилар кимга овоз берган бўлса, шу президент бўлиши керак, деб хабар беради «Коммерсантъ».
«Мен сайловчилар ҳайъатини бекор қилиш ва умумхалқ овоз бериш жараёнида ғолиб бўлганни президент этиб сайлаш керак деб ҳисоблайман. Бироқ у ҳали мавжудлиги сабаб мен фахр билан ўз овозимни Нью-Йоркда Жо Байден ва Камала Харрисга бердим», — деб ёзади Клинтон ўзининг Twitter’даги саҳифасига.
Ҳиллари Клинтон 2016 йили Демократлар партияси номидан АҚШ президентлиги сайловларида иштирок этган эди. У рақиби Дональд Трампни сайловчилар овози бўйича ортда қолдирган, бироқ штатлардан бўлган сайловчилар овози бўйича ютқазиб қўйган.
Аввалроқ сайловчилар ҳайъати Жо Байденнинг АҚШ президенти сайловларидаги ғалабасини тасдиқлаган эди.
Мавзуга доир: Байден тарихда биринчи марта Пентагон раҳбари лавозимига афроамерикаликни тайинлаши кутилмоқда
Кейинроқ Дональд Трамп маъмурияти Жо Байденга ҳокимиятни топширишга тайёрлигини билдирган эди. Шундан кейин Байден ўз маъмуриятининг асосий аъзоларини шахсан таништирди. Шунингдек, демократ Жозеф Байденга разведка томонидан давлат раҳбари учун тайёрланадиган кунлик махфий ҳисоботларни тақдим этишга рухсат берилди.
Изоҳ (0)