Пашинян ҳукумат йиғилишида сўзлаган нутқида Ереван Совет давридаги чегараларни “қуруқликда” ва харитада кўрсатишни ҳамда ундан қўшинларни олиб чиқиб кетишни таклиф қилишини айтди. Унинг сўзларига кўра, Боку Совет Арманистони ҳудудида мавжуд бўлган тўртта анклав масаласини вақти-вақти билан кўтариб, 30 дан ортиқ арман қишлоқлари ҳудудлари ҳозирда Озарбайжон истилоси остида эканини тан олишдан бош тортмоқда. Бу ҳақда “РИА Новости” хабар берди.
Арманистон бош вазирига кўра, Арманистон бутун чегарани делимитация қилишга ёки чегарани участкаларга бўлиб, бу жараённи маҳаллий даражада амалга оширишга рози. Пашинян чегаранинг маълум участкаларида ҳарбий ҳаракатларни бошлаш ҳарбий эскалацияни Арманистонга қарши кенг кўламли урушга айлантириш истиқболлари бўлиши мумкинлигини таъкидлаган. Пашинян фаол музокараларда қатнашиш ва мамлакат манфаатлари, ҳудудий яхлитлиги ва суверенитетини ҳимоя қилиш позициясида қатъий туриш фикрини илгари сурмоқда. Шунингдек, у Озарбайжон ҳукуматининг Арманистон қонунчилигини тинчлик шартномасини тузиш учун ўзгартириш зарурлиги ҳақидаги баёнотларини мамлакатнинг суверенитетини бузиш ва ички ишларига аралашиш деб атаган. Пашинян Арманистон қонунчилиги тинчлик жараёнига тўсқинлик қилмаслигини таъкидлаган.
Аммо 19 январь куни Пашинян мамлакатга “янги геосиёсий шароитларда мамлакат ҳаётийлигини таъминлайдиган” янги конституция зарурлигини айтди. Унинг аниқлик киритишича, Арманистон конституцияси асоси бўлган Мустақиллик декларациясининг қоидалари мамлакатга уруш билан таҳдид қилмоқда. Озарбайжон ҳам Арманистон конституцияга ўзгартириш киритишини талаб қилмоқда, чунки унда Қорабоғни Арманистон билан бирлаштириш ҳақида тўғридан тўғри чақириқлар мавжуд.
Озарбайжон президенти Илҳом Алиевга кўра, Арманистон конституциясига ўзгартиришлар киритилса, Боку ва Ереван ўртасида тинчликка эришиш мумкин. 2022 йилда Ереван ва Боку Россия, АҚШ ва Европа Иттифоқи воситачилигида келажакдаги тинчлик шартномасининг муҳокамасига киришди. 2023 йил май ойи охирида Арманистон бош вазири Никол Пашинян Ереван Озарбайжоннинг Совет чегараларидаги, яъни Қорабоғ билан биргаликда суверенитетини тан олишга тайёрлигини маълум қилган эди.
Изоҳ (0)