“Халқаро шартномани тасдиқлаш тўғрисида”ги президент қарори қабул қилинди. Бу ҳақда Адлия вазирлиги хабар берди.
Қарорга кўра, 2006 йил 3 октябрдаги Ўзбекистон ва Қирғизистон ҳукуматлари ўртасида фуқароларнинг ўзаро келиб-кетишлари тўғрисидаги битимга ўзгартиришлар киритиш ҳақидаги баённома тасдиқланди.
Баённома 2024 йил 18 июль куни Тошкент шаҳрида имзоланган. Ички ишлар вазирлиги ва Давлат хавфсизлик хизмати Чегара қўшинлари ушбу халқаро шартномани амалга ошириш учун масъул бўлган ваколатли органлар этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартнома кучга киргандан кейин белгиланган тартибда унинг қоидалари амалга оширилиши устидан назоратни таъминлайди.
Бундан аввал Қирғизистон Ўзбекистон ва Тожикистон билан чегарадаги яна бир нечта ўтказиш пунктида юк машиналари назоратини ўрнатмоқчилиги ҳақида хабар берилганди. Шунингдек, Ўзбекистон ва Қирғизистон маҳкумларни алмашиши айтилган.
Ўзбекистон, Қирғизистон ва Тожикистон ҳукуматлари раҳбарлари уч томонлама учрашув ўтказади. Уч томонлама учрашув Қирғизистон, Ўзбекистон ва Тожикистон давлат чегаралари кесишмасида бўлиб ўтади.
Изоҳ (0)