Футбол бўйича Ўзбекистон миллий терма жамоаси март ойида 2026 йилги Жаҳон чемпионати 3-саралаш босқичи доирасида Қирғиз Республикаси ва Эрон терма жамоаларига қарши ўйин ўтказади. Ушбу учрашувларни бошқариб борувчи ҳакамлар маълум бўлди.
Ўзбекистон – Қирғиз Республикаси учрашувини япониялик Юсуке Араки бошқариб боради.
Унга қанотларда ҳамюртлари Юн Миҳара ва Кота Ватанабе ёрдам беради. 4-расмий ҳакам сифатида Рё Танимото, VARда эса Юмпейи Лида ишлайди.
Шунингдек, Эрон – Ўзбекистон учрашуви уммонлик ҳакамлар бригадасига ишониб топширилган.
Бош ҳакам – Аҳмад Абу Бакар ал-Каф, унга қанотларда Абу Бакар Ал-Амри ва Рашид Ҳамид Ал-Гаити ёрдам беради. 4-расмий ҳакам Қосим Матар Ал-Ҳатми, VAR ҳаками эса сингапурлик Муҳаммад Тақи бин Жаҳари.
Маълумот учун, Ўзбекистон миллий жамоаси 6 турдан сўнг 13 очко жамғариб, турнир жадвалида иккинчи ўринни эгаллаб турибди. 16 очко жамғарган Эрон — етакчи.
Изоҳ (0)