Qirg‘iziston O‘zbekiston va Tojikiston bilan chegaradagi yana bir nechta o‘tkazish punktida yuk mashinalari nazoratini o‘rnatmoqchi. Tegishli qaror loyihasi jamoatchilik muhokamasi uchun e’lon qilindi, deb yozmoqda 24.kg.
Ma’lum qilinishicha, ayni paytda 6 ta nazorat-o‘tkazish punktida transport nazoratini joriy etilgan. Yana 5 ta nazorat-o‘tkazish punktida shunday nazorat joriy etish ko‘zda tutilmoqda. Yevrosiyo iqtisodiy ittifoqi qoidalariga ko‘ra, ittifoqning tashqi chegarasidagi barcha avtomobil o‘tkazish punktlarida transport nazorati majburiy hisoblanadi.
Bojxona va transport nazorati amalga oshiriladigan nazorat-o‘tkazish punktlari ro‘yxatiga quyidagi manzillarni kiritishni taklif etilmoqda:
- Qirg‘iziston—Tojikiston davlat chegarasidagi “Qayrag‘och” va “Bor-Dobo” nazorat-o‘tkazish punktlari;
- Qirg‘iziston—O‘zbekiston davlat chegarasidagi “Qizil-Qiya”, “Qora-Bog‘ish”, “Ken-Say” nazorat-o‘tkazish punktlari;
- ichki avtomobil yo‘llaridagi “Sari-Chat” nazorat-o‘tkazish punkti.
Ayni paytda transport nazorati amalga oshirilmayotgan nazorat-o‘tkazish punktlarida yuk avtomobillari xalqaro avtomobil tashuvlari bo‘yicha davlatlararo shartnomalar me’yorlarini buzmoqda.
Izoh (0)