Қирғизистон Ўзбекистон ва Тожикистон билан чегарадаги яна бир нечта ўтказиш пунктида юк машиналари назоратини ўрнатмоқчи. Тегишли қарор лойиҳаси жамоатчилик муҳокамаси учун эълон қилинди, деб ёзмоқда 24.kg.
Маълум қилинишича, айни пайтда 6 та назорат-ўтказиш пунктида транспорт назоратини жорий этилган. Яна 5 та назорат-ўтказиш пунктида шундай назорат жорий этиш кўзда тутилмоқда. Евросиё иқтисодий иттифоқи қоидаларига кўра, иттифоқнинг ташқи чегарасидаги барча автомобиль ўтказиш пунктларида транспорт назорати мажбурий ҳисобланади.
Божхона ва транспорт назорати амалга ошириладиган назорат-ўтказиш пунктлари рўйхатига қуйидаги манзилларни киритишни таклиф этилмоқда:
- Қирғизистон—Тожикистон давлат чегарасидаги “Қайрағоч” ва “Бор-Добо” назорат-ўтказиш пунктлари;
- Қирғизистон—Ўзбекистон давлат чегарасидаги “Қизил-Қия”, “Қора-Боғиш”, “Кен-Сай” назорат-ўтказиш пунктлари;
- ички автомобиль йўлларидаги “Сари-Чат” назорат-ўтказиш пункти.
Айни пайтда транспорт назорати амалга оширилмаётган назорат-ўтказиш пунктларида юк автомобиллари халқаро автомобиль ташувлари бўйича давлатлараро шартномалар меъёрларини бузмоқда.
Изоҳ (0)