Ўзбекистон пишлоқнинг қимматлиги бўйича 99 та давлат орасида 79-ўринни эгаллади. Бу ҳақда “Ranking” хабар берди.
20 февраль ҳолатига кўра, Ўзбекистонда ишлаб чиқарилган бир килограмм пишлоқнинг ўртача нархи 7,1 доллар. МДҲ давлатлари орасида Ўзбекистонга қараганда арзонроқ бўлган пишлоқларни Озарбайжон ва Беларусдан сотиб олиш мумкин. У ерда нарх мос равишда 5 ва 6,2 долларни ташкил этади.
МДҲда энг қиммат маҳаллий пишлоқ Молдова (9,6 доллар), Қозоғистон (9,3 доллар), Россия (8,7 доллар) ва Украинада (8,1 доллар) сотилади. Дунё бўйлаб пишлоқнинг энг юқори нархлари Швейцария, Гонконг ва Францияда, энг паст нархлар эса Миср, Эрон ва Боливияда қайд этилган.
Ўзбекистонда 2024 йилнинг январь ойида йирик корхоналар томонидан 115 тонна пишлоқ ишлаб чиқарилган. Мазкур ишлаб чиқариш 2023 йилнинг тегишли даврига нисбатан 22,9 фоизга ошган.
Изоҳ (0)