Францияда 1001 турдаги пишлоқ солинган пицца тайёрланди. Бу пицца Гиннеснинг рекордлар китобига киритилди.
Пицца икки маҳаллий ошпаз томонидан пиширилган. Улардан бири Бенуа Брюел аввалроқ битта пиццадаги турли хил пишлоқлар сони бўйича рекорд ўрнатган эди – 2020 йилда у 254 турдаги пишлоқ қўшилган пицца тайёрлаган.
"Ўз бизнесимни бошлаганимдан бери энг катта ва энг кўп турдаги пишлоқлардан пицца тайёрлаш асосий орзум эди", - деди ошпаз.
Аввалроқ дунёдаги энг катта пицца Гиннеснинг рекордлар китобига киритилган эди. Унинг ҳажми 4264,15 квадрат метрни ташкил этди. Пиццани тайёрлаш учун деярли 6,2 тонна хамир, 2,25 тонна ширин соус, тўрт тоннага яқин пишлоқ ва 630,5 минг дона пепперони колбаса керак бўлган.
Изоҳ (0)