37 ёшли “Интер Майами” ҳужумчиси Лионель Месси Америка клуби билан меҳнат шартномасини узайтиришга шошилмаяпти, чунки у Барселона ҳаётини соғинган, дея хабар беради Relevo нашри.
Аргентиналик футболчининг шартномаси 2025 йил охиригача мўлжалланган. Манба маълумотига кўра, Месси Барселонани ўз уйи деб ҳисоблашда давом этмоқда ва фаолиятини якунлагач, айнан шу шаҳарда яшашни режалаштирган. 37 ёшли ҳужумчининг оиласи ҳам Барселонага қайтишни ўзининг асосий мақсади сифатида кўрмоқда.
Маълумот учун, Месси 2000 йилдан 2021 йилгача “Барселона” тизимида бўлган. Ушбу даврда у жамоанинг асосий таркибида 778 та ўйинда майдонга тушиб, 672 та гол ва 303 та голли узатма қайд этган.
2023 йилда футболчи “Интер Майами” клубида ўйнаб келмоқда. Клуб таркибида у 28 та ўйинда майдонга тушган ва 22 бор рақиблар дарвозасини ишғол қилган. Transfermarkt футболчининг бозор қийматини 20 миллион еврога баҳолаган.
Изоҳ (0)