“Барселона”нинг бразилиялик собиқ ҳужумчиси Неймар, 2017 йилда каталон клубини тарк этиши олдидан собиқ жамоадоши Лионель Месси унга нима деганини ошкор қилди.
Неймарнинг айтишича, Месси уни бу қарордан қайтаришга ҳаракат қилган.
“Нега кетмоқчисан? Мен сени дунёнинг энг яхшиси қилишни мақсад қилганман”, дея Мессининг сўзларини эслади Неймар.
Неймар “Барселона” сафида 2013 йилдан 2017 йилгача тўп сурган. У шу вақт ичида барча турнирлар доирасида 186 та ўйинда майдонга тушиб, 105 та гол урган ва 76 та голли узатма амалга оширган. Месси “Барселона”ни 2021 йилнинг ёзида тарк этди.
Изоҳ (0)