Тошкентда бегона аёл мактаб ўқувчисининг қўлидан ушлаб, олиб кетмоқчи бўлгани ҳақида хабарлар тарқалиб, турли муҳокамаларга сабаб бўлмоқда.
Пойтахт ИИББ матбуот хизматининг билдиришича, 10 февраль куни тахминан соат 14:00 ларда Бектемир тумани, Билол Нозим кўчасида жойлашган бекат олдида, 1990 йилда туғилган, мунтазам равишда руҳий-асаб касалликлари диспансерида даволаниб турувчи Р.Ч. ўзига бегона бўлган мактаб ўқувчисини олдига келиб мулоқотга киришган. Шубҳали кўринган аёл маҳалла фуқароларини кўриб, кетиб қолган.
Кўрилган тезкор чора-тадбирлар натижасида аёл ушланган.
Ҳолат юзасидан Бектемир тумани ИИО ФМБ томонидан терговга қадар текширув ўтказилмоқда.
Аввалроқ Тошкентда автобусда ёш болага нисбатан уятсиз ҳаракатларни амалга оширган эркак қўлга олингани ҳақида хабар берилган эди. Жиззахда нотаниш аёл шифохонадаги эгизак чақалоқлардан бирини ўғирлаб кетганди.
Изоҳ (0)