Наманганда 2024 йилнинг октябрь ойида мактаб ўқувчиси бошқарувидаги ижарага олинган Gentra юк машинаси билан тўқнашиб кетганди. Ушбу ҳолат бўйича “Дарё”га мурожаат қилиб тушди.
Таъкидланишича, айни шу ҳодиса 2024 йилнинг ўзида Наманган шаҳрида мактаб ўқувчилари ижарага олган машинада содир бўлган тўртинчи авария экани маълум қилинган. Уларнинг барчаси ўлим билан тугаган.
Умуман олганда, машина ижара бериш билан шуғулланувчи “Рент Cар” бизнесининг айрим вакиллари вояга етмаган, ҳайдовчилик гувоҳномаси ва кўникмасига эга бўлмаган болаларга ҳам автомобилларни ижарага бераётгани, воқеалар эса аксарият ҳолатда катта кўнгилсизлик билан якунланаётганини кўрсатмоқда.
Таҳририятга боқувчисини йўқотган онанинг ёзган мурожаатида ушбу воқеа бўйича қуйидагилар баён этилган.
Аёлнинг 2006 йил 11 июнда туғилган фарзанди Қ.Х. 2024 йил февраль ойида Тошкент шаҳридаги автомобиль ижараси билан шуғулланувчи фирмадан Gentra автомашинасини олган, бошқача айтганда “ренткарчилар” ҳеч қандай ҳужжатсиз вояга етмаган болага машина берган.
Бола эса ўша автомобилда Самарқанд вилоятининг Пайариқ туманига йўл олган. Йўлда автоҳалокат рўй бергандан сўнг Қ.Х. Челак шаҳридаги устахоналарнинг бирида машинани таъмирлатган. Аммо ҳаммаси шу билан тугамаган.
Ҳодисадан хабар топган “ренткарчилар” боладан кўпроқ пул ундириш мақсадида қўрқитиш йўлига ўтган. 2024 йил 3 июнда ўсмир йигитни ўша пайтда ишлаб юрган офисидан олиб чиқиб кетишган ва қандайдир номаълум бинога олиб келиб “Мобил қурилмани қарзга олдим” деган мазмунда тилхат ёзишга мажбурлашган.
Улар видео бўйича ҳуқуқни муҳофаза қилувчи органларга мурожаат қилмаган. Таъкидланишича, бунга “Нега ўзларинг ёш болага машина бергансан” мазмунидаги эҳтимолий саволдан чўчиган бўлиши мумкин.
Улар Қ.Х. вояга етиб, қўлига паспорт олишини кутган ва кейин ариза берган. Шундан сўнг она-бола Ички ишлар бошқармасига чақиртирилган. 2024 йил 2 июль куни профилактика инспектори улар билан суҳбат ўтказган, савол-сўроқдан кейин инспектор “ренткарчилар” ноқонуний иш қилганини айтиб, тушунтириш хати ёзиб кетишни сўраган. Она-бола ёзган, шу билан уларга бошқа қўнғироқ бўлмаган.
2025 йил 6 январда Пайариқ туманидаги Мажбурий ижро бюросининг — ренткарчилар фойдасига қарийб 25 млн сўм, 1 млн сўм эса давлат божи ундирилиши белгиланган фуқаролик ишлари бўйича Пайариқ туманлараро судининг 2024 йил 7 ноябрда қонуний кучга кириши белгиланган ижро варақаси ўртага чиққан. Яъни боқувчисини йўқотган, кунлик 100 минг сўм эвазига оила (бири бебош ўғил, бири турмушидан ажралган хаста қизи ва унинг ногирон набираси) тебратаётган она навбатдаги “сюрприз”ни қабул қилиб олган. Судда эса на она ва на унинг ўғли иштирок этган. Ҳеч қандай тергов ишларига жалб этилмаган.
“Дарё” воқеалар ривожини кузатиб боради.
Изоҳ (0)