Aktrisa Anjelina Joli People nashriga nima uchun hech qaysi farzandi ota-onasining izidan borishni istamasligi sabablari haqida so‘zlab berdi. Joli har doim farzandlarining kino sohasida o‘zini sinab ko‘rishlarini istagan, ular esa bunga qiziqish bildirmagan.
“Men kino sanoati qanchalar ajoyib ekanligini bilishlarini, ijodkor hamda san’atkor bo‘lishlarini xohlardim. Ammo ularni bu narsa qiziqtirmaydi”, dedi aktrisa.
Mashhurlik va shou-biznes, ayniqsa, Joli va Pittning qizi 18 yoshli qizi Shayloga yoqmaydi. Shunga qaramay, aktrisaning bolalari unga ijodiy ishlarda doim ko‘maklashgan. Xususan, uning ikki o‘g‘li Meddoks va Paks “Mariya” filmini suratga olish maydonida rejissyor yordamchisi bo‘lib ishlagan.
“Bolalarim raqsga tushishni yaxshi ko‘radi, ba’zilari esa rassomlikka ishqiboz, ayrimlari teatr sohasini yaxshi ko‘radi, lekin ularning hech biri katta ekranlarga chiqish istagini bildirmaydi”, deya qo‘shimcha qildi Joli.
Sobiq turmush o‘rtoqlar — Bred Pitt va Anjelina Jolining olti nafar farzandi bor. Anjelina 2002-yilda kambojalik Meddoksni, 2005-yilda efiopiyalik Zaxarani hamda 2007-yilda vyetnamlik Paks Tyen ismli bolani asrab olgan. Juftlikning Shaylo ismli qizi, Noks Leon va Vivyen Marshelin ismli egizaklari ham bor.
Ularning barchasi otasi bilan salbiy munosabatda. Xususan, 2024-yil 31-may kuni Shaylo Joli-Pitt 18 yoshga to‘lgan kuni otasining familiyasidan voz kechdi. 20 yoshli Paks esa otasini hayotini do‘zaxga aylantirgan dahshatli odam deb atadi.
“Seni ko‘rganda qo‘rquvdan titraydigan to‘rt nafar kichik farzandlarimizga hech qanday e’tibor va rahm-shafqat ham ko‘rsatmading”, deya ijtimoiy tarmoqda Pittga murojaat qilgan edi Joli.
Izoh (0)