Тошкент вилоятининг Янгийўл туманида навбатдаги экологик назорат тадбирлари ўтказилди. Бу ҳақда Экология вазирлиги хабар берди.
Тадбир давомида Янгийўл тумани “Маданият” МФЙ ҳудудида 4 туп шумтол (ясин) дарахти кесилганлиги аниқланди. Ўрганиш натижасида ҳуқуқбузарлик Ў.Б. ҳамда У.А. томонидан содир этилганлиги маълум бўлди.
Дарахтлар кесилиши натижасида табиатга 412 миллион сўмдан ортиқ зарар етказилган.
Иш юзасидан тўпланган ҳужжатлар ҳолатга ҳуқуқий баҳо бериш учун Тошкент Табиатни муҳофаза қилиш прокуратурасига юборилди.
Аёвсиз кесилаётган дарахтлар
Тошкент вилоятида 2 туп кўп йиллик чинорни кесган шахс табиатга 199 млн сўм зарар етказгани ҳақида хабар берилганди. Хоразмда 4 туп павловния дарахтини кесган шахс 27 млн сўмдан ортиқ жаримага тортилганди.
Изоҳ (0)