Ўзбекистон ҳудудидаги асрлик ва реликт дарахтлар ҳақидаги маълумотлар MonumentalTrees.com халқаро рўйхатига киритилди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги маълум қилди.
Айтилишича, мазкур электрон рўйхатда дунёнинг турли мамлакатларида жойлашган халқаро аҳамиятга молик кўп йиллик, ноёб ва ўзига хос дарахт турлари ўрин олган. MonumentalTrees.com ушбу миллий табиий мерос объектларини жаҳон жамоатчилигига кенг танитишда ва миллий туризм салоҳиятини ривожлантиришда муҳим рол ўйнайди.
Мамлакатимиз ҳудуди ҳам ана шундай ноёб ва тарихи асрларга бориб тақаладиган дарахтларга бой экани сир эмас. Айни вақтга қадар бир қатор миллий табиий мерос объектлари МонументалТреес.cом’да ўз ифодасини топди, дейилади вазирлик ахборотида.
Ўзбекистон ҳудудидаги кўп асрлик дарахтлар:
- Жиззах вилояти Фориш туманидаги шарқ биотаси ёши салкам 1500 йил;
- Самарқанд вилояти Ургут туманидаги чинор ёши 1160 йилдан кўпроқ;
- Тошкент вилояти Бўстонлиқ туманидаги арча ёши 1000 йилдан кўпроқ, ёнғоқ ёши 800 йилдан кўпроқ ва яна бир чинор ёши салкам 600 йил;
- Сурхондарё вилояти Бойсун тумани Сайроб қишлоғидаги чинор ёши салкам 900 йил;
- Қашқадарё вилояти Шаҳрисабз шаҳридаги Дорус-Саодат мемориал мажмуаси ҳудудидаги чинор ёши 750 йилдан кўпроқ;
- Жиззах вилоятида Зомин миллий табиат боғи ҳудудидаги бобоёнғоқ ёши салкам 700 йил.
Ўзбекистонда 250 миллиондан ортиқ дарахтнинг рақамли харитаси яратилган. Президент фармонида Тошкент шаҳрида 1 ноябргача — хатлов натижасига кўр, аниқланган дарахтларнинг тури, ёши, бўйи, ҳолати ва жойлашув координатасини акс эттирувчи маълумотлар базаси шакллантириш кўзда тутилган.
Изоҳ (0)