Қашқадарё вилояти Деҳқонобод туманида навбатдаги назорат рейд тадбирлари олиб борилди. Бу ҳақда Экология вазирлиги хабар берди.
Унда Деҳқонобод давлат ўрмон хўжалигининг “Дуоб” ўрмон бўлими ҳудудида жами 6 туп арча дарахти кесилгани аниқланди. Оқибатда табиатга 41 млн 400 минг сўм зарар етказилган.
Ҳолат юзасидан “Дуоб” ўрмон бўлими масъул қўриқчиси Р.Б.га нисбатан МЖтКнинг 79-моддаси, 4-қисми (дарахтлар, буталар, бошқа ўрмон ўсимликлари ва ниҳолларни ғайриқонуний равишда кесиш, шикастлантириш ёки йўқ қилиш) билан маъмурий баённома расмийлаштирилди.
Унга нисбатан БҲМнинг 10 баравари — 3 млн 750 минг сўм миқдорида жарима белгиланди.
Шунингдек, қолган айбдорларни аниқлаш мақсадида ҳужжатлар Деҳқонобод туман ИИБГА юборилди. Ҳуқуқбузарларга нисбатан қонуний тартибда тегишли чоралар кўрилиши қўшимча қилинди.
Фото
Аёвсиз кесилаётган дарахтлар
Тошкент вилоятида 2 туп кўп йиллик чинорни кесган шахс табиатга 199 млн сўм зарар етказгани ҳақида хабар берилганди.
Изоҳ (0)