Siberian Wellness “100 гектар” лойиҳаси доирасида Оролбўйи ҳудудига кўчат экиш тадбирини ўтказди

Жорий йилнинг 15 ноябрь куни Siberian Wellness компанияси томонидан “100 гектар” лойиҳаси доирасида жорий йилда 2 марта дарахт экиш ишлари амалга оширилди.

Кўчат экиш “Оролбўйидаги менинг боғим” лойиҳаси доирасида “Экология, Атроф-муҳитни муҳофаза қилиш ва иқлим ўзгариши вазирлиги ҳузуридаги Оролбўйи халқаро инновацион маркази”да бўлиб ўтди.

Мазкур тадбирда 159 нафар киши қатнашди. Кўчат экишда компаниянинг ходимлари ва кўнгиллари, компаниянинг қорақалпоғистонлик ҳамкорлари ҳамда яна 84 нафар 9-11-синф ўқувчилари иштирок этди. Шунингдек, Қорақалпоғистон Республикасининг 10 та мактабларидан 12 нафар ўқитувчилар ҳам қатнашди.

Хабарингиз бор 2025 йил Ўзбекистонда “Атроф-муҳитни асраш ва “яшил” иқтисодиёт йили” деб эълон қилинди. Siberian Wellness компанияси томонидан ўтказилган мазкур тадбир Ўзбекистонда атроф-муҳитни асраш ва яшил иқтисодиётни жорий қилиш борасида амалга оширилаётган ишларга ҳамоҳанг бўлди.

Компания ҳамкорлари ва ходимларининг саъй-ҳаракати билан 5220 туп саксовул кўчати учун маблағ йиғилди.

Умуман олганда, шу пайтга қадар Орол денгизининг ўрнига жами 14 минг 220 туп саксовул кўчати, 500 туп шўр ва қурғоқчиликка чидамли дарахт кўчатлари экилди.

Бугунги кунда Орол фожиаси нафақат Ўзбекистон аҳолисига, балки бутун дунё иқлимига салбий таъсир кўрсатмоқда. Чунки Орол денгизи тубида мавжуд бўлган туз зарралари ҳатто Антарктидадан ҳам топилган.

Бу фалокат бутун сайёрага таъсир қилган. Бу муаммони ҳал қилиш ва асоратларини камайтириш учун барча бирдек масъул.

Анъанага кўра, тадбир давомида маҳалли аҳоли қорақалпоқ тилида қўшиқ куйлади. Афсоналарга кўра, денгиз қайтиши учун қўшиқ куйлаш керак бўлади.

Кўчат экиш тадбирида қатнашган Siberian Wellness компаниясининг ҳар бир ходими Орол фожиасини янада теранроқ англаб, бундай хайрли ишга қўл урганидан фахр туйғусини ҳис этди.

“Ишонамизки, кейинги сафар биз 10 000 та кўчат экишни уддасидан чиқамиз!” деди компания вакили.

Маълумот учун: “100 гектар” лойиҳаси — бу Siberian Wellness  компанийсианинг Барқарор ривожланиш режаси доирасидаги халқаро даражадаги ўрмон иқлими лойиҳаси. Бу лойиҳа Siberian Wellness компаниясининг бизнес ҳамкорлари ва мижозларини битта умумий мақсадда бирлаштириш имкониятини тақдим этади.

• Сайт: uz.siberianhealth.com
• Instagram: @siberianwellness_uzbekistan
• Facebook: @siberianwellnessuzbekistan
• Telegram: @swuzbekistan
• Телефон: 78 113 87 67

Реклама ҳуқуқи асосида.