Яхши фильм — қалбни даволовчи эликсир кабидир. Қуйида инсонга совуқ ва қоронғи оқшомларда илиқлик бахш этувчи фильм ва қисқа сериалларни тақдим этамиз.
“Таътиллар алмашганда”
Рейтинг IMDb — 7,10
Машҳур актёрлар ижросидаги ажойиб классика. Amanda Лос Анжелесда яшайди ва муҳаррир бўлиб ишлайди. Айрис эса Суррей (Жанубий-шарқий Англиядаги округ)да яшайдиган журналист қиз. Қизлар Рождество байрамида икки ҳафтага уйларини алмашишга қарор қилишади — иккаласи ҳам ўзларининг муаммоли севги муносабатларини унутишга ҳаракат қилмоқда, лекин муҳаббат уларни барибир қай тарзда бўлса ҳам топиб боради.
“Минари”
Рейтинг IMDb — 7,4
Корейс-америкалик оила Америка орзуси ортидан Арканзасдаги фермага кўчиб ўтади. Янги ҳаётнинг қийинчиликларида улар оиланинг инкор этиб бўлмас мустаҳкамлигини кашф этади ва уйни ҳақиқий меҳр масканига айлантиришни ўрганади.
“Дунёдаги энг ёмон одам”
Рейтинг IMDb — 7,7
Ҳам романтик комедия, ҳам драма ҳисобланган ушбу фильм ҳаётининг нотинч даврини бошдан кечираётган ёш аёл Жули ҳақида ҳикоя қилади. Жули ўз йўлини топиш учун курашади, унинг истаклари ва бошқаларнинг умидлари ўртасида зиддият мавжуд. Охир-оқибат у ўзини англаб етади — ҳаётда ўз ўрнини топади. Бу фильм инсонга ўзини қабул қилишни ўргатади.
“Барча қувончли жойлар”
Рейтинг IMDb — 6,6
Мазкур фильмда Violet ва Теодор исмли ўсмирлар ҳаёти ҳақида ҳикоя қилинади. Уларнинг учрашуви қаҳрамонлар ҳаётини бутунлай ўзгартириб юборади. Ўсмирлар ўтмишдаги руҳий ва жисмоний жароҳатлар билан курашар экан, севгининг шифобахш кучини кашф этади.
“Махлуқ овози”
Рейтинг IMDb —7,4
“Махлуқ овози” — 12 ёшли қаҳрамон томонидан ҳикоя қилинадиган фантастик психологик драма. Мазкур фильм онаси оғир касал бўлиб қолган Конор исмли бола ҳақида. Бола қийинчиликни бошдан кечираётган бир пайтда ақл бовар қилмас ҳодиса содир бўлади. Ҳовлидаги кекса дарахт жонланиб, улкан махлуққа айланади. Кечалари у Конорга бутун дунё вайрон бўлса ҳам, умидсизликка тушмаслик ва ўзида куч топа олиш мумкинлигини ўргатадиган ҳикоялар айтиб беради.
“Уммондаги ёруғлик”
Рейтинг IMDb — 7,2
Янги турмуш қурган ёшлар — Том ва Изабелл узоқ оролга кўчиб ўтади. Том у ерда майоқ назоратчиси бўлиб ишлайди. Бир куни қирғоққа ичида чақалоқ бўлган қайиқ келиб қолади. Эр-хотин чақалоқни ўз қизи каби тарбиялашга қарор қилишади. Лекин улар ҳаётлари қанчалик ўзгариб кетишини тасаввур қилишмаганди.
“Бир куни”
Рейтинг IMDb – 8,4
Ушбу сериалда бир қарашда одатий севги ҳикоясини кўриш мумкин. Йигит бой, қиз эса оддий оиладан, лекин уларнинг муҳаббати барча тўсиқларни енгади. Фақатгина Декстер ва Эмма ҳар сафар учрашганида ўз туйғуларини изҳор қилолмайди. Улар бахтга эришиш имкониятини йўқотгандек гўё. Тақдир севишганларга кулиб боқадими ёки улар ёлғизликка маҳкумми?
“Сен билан учрашгунча”
Рейтинг IMDb – 7,4
Луиза ишини йўқотади. Ўзига мос иш қидираётганда унга бой, аммо фалаж йигитни парвариш қилиш таклиф этилади. Вазифалар оддий: унга ҳамроҳлик қилиш, чой тайёрлаш, овқатлантириш ва дори-дармонлар бериш. Аввалига йигит ўзини бепарво ва қўпол тутади, аммо Луизанинг самимийлиги туфайли унинг ҳаётга қизиқиши аста-секин қайтади.
“Оилавий режа”
Рейтинг IMDb – 8,5
Янги корейс мини-сериалида суперқобилиятга эга бир гуруҳ одамлар оддий оила сифатида ниқобланади. Бу оила мактабдаги оддий безориликдан тортиб, катта жиноятларгача қарши курашиши керак. Дунёдаги энг хавфли ва энг яхши она ролида эса — Пе Ду На.
Изоҳ (0)