Россиянинг Тива Республикаси Оқ Довурак шаҳрида вақтинча ишлаётган тўрт нафар Ўзбекистон фуқароси ватанга қайтарилди. Бу ҳақда “Дунё” АА хабар берди.
Фуқароларнинг яшаш жойида содир бўлган кучли ёнғин натижасида уларнинг ҳужжатлари, шу жумладан, паспортлари йўқолган.
Дипломатлар томонидан тўрт нафар фуқаронинг Ўзбекистонга қайтиши учун гувоҳнома ва бошқа зарур ҳужжатлар расмийлаштирилди.
Миграция агентлиги ваколатхонаси томонидан эса Новосибирск—Тошкент йўналишида парвоз қиладиган самолётга чипта харид қилинди. Улар 25 январь куни Тошкентга кузатиб қўйилди.
Изоҳ (0)