Нидерландиялик ярим ҳимоячи Фрэнки де Йонг “Барселона”ни тарк этиб, Саудия Арабистонининг “Ал-Иттиҳод” клубига ўтиши мумкин, деб хабар беради El Nacional.
Манбага кўра, Саудия клуби футболчи учун 50 миллион евро таклиф қилишга тайёр. “Барселона” раҳбарияти ушбу трансфер вариантини кўриб чиқмоқда. Қарор тез орада қабул қилиниши мумкин бўлса-да, де Йонг “Ал-Иттиҳод” сафига 2025 йил ёзидан олдин қўшилмайди.
Transfermarkt портали 27 ёшли де Йонгнинг трансфер қийматини 45 миллион еврога баҳоламоқда. Футболчининг “Барселона” билан шартномаси 2026 йил ёзигача амал қилади.
Жорий мавсумда де Йонг “Барселона” сафида барча мусобақаларда 16 ўйинда майдонга тушиб, 1 та гол урди ва 1 та голли узатма берди.
Футбол бўйича Ла Лиганинг 20-турида “Барселона” “Хетафе” меҳмони бўлди ва дуранг натижа қайд этди. Жамоа 39 очко тўплаб, Ла Лигада 3-ўринни эгаллаб турибди.
Изоҳ (0)