“Барселона” “Реал”ни 5:2 ҳисобида мағлуб этиб, “қироллик клуби”га қарши ўйинлар тарихида ўзига хос натижага эришди. Бу ҳақда Opta Спорт хабар бермоқда.
12 январь, якшанба куни, Испания Суперкубогининг финал ўйини бўлиб ўтди. Унда Мадриднинг “Реал” ва Каталониянинг “Барселона” жамоалари ўзаро тўқнаш келди. Ўйин Саудия Арабистонининг Жидда шаҳридаги “Кинг Абдуллоҳ Спорц Cитй” стадионида ўтказилди.
“Эл-класико” тарихида биринчи марта “Барселона” кетма-кет икки ўйинда “Реал” дарвозасига тўрт ёки ундан ортиқ гол урди. Бунгача, 11-тур доирасида Ла Лигада бўлиб ўтган ўйинда Каталония жамоаси “Реал”ни 4:0 ҳисобида мағлубиятга учратган эди.
Шу билан бирга, бундай натижа охирги марта 1963 йилда қайд этилган бўлиб, ўшанда “Реал” кетма-кет иккита ўйинда “Барселона”ни (5:1 ва 4:0) мағлуб этган эди.
Маълумот учун, Испания Суперкубоги финалида “Реал”ни мағлуб этган “Барса” ўз тарихида 15-бор бош совринни қўлга киритганди.
Изоҳ (0)