Мадриднинг “Реал” клуби “Бавария” ҳимоячиси Альфонсо Дэвис билан ёзда “қироллик клуби”га эркин агент сифатида ўтиш бўйича келишувга эришишга яқин. Бу ҳақда Marca хабар бермоқда.
Манбага кўра, томонлар оғзаки равишда шахсий шартнома шартларини келишиб олган. Канадалик футболчи яқин орада ёзги трансфер бўйича келишувни имзолаши кутилмоқда.
Эслатиб ўтамиз, Дэвиснинг “Бавария” билан амалдаги шартномаси 2025 йил 30 июнда якунланади. Жорий мавсумда 24 ёшли канадалик футболчи барча турнирларда жами 23 та ўйинда иштирок этиб, бир гол ва учта голли узатмани амалга оширган. Transfermarkt интернет портали маълумотларига кўра, футболчининг тахминий қиймати 50 миллион еврони ташкил қилади.
Аввалроқ Каталониянинг “Барселона” клуби ҳам чап қанот ҳимоячиси Альфонсо Дэвисни ўз сафида кўриш ниятида экани хабар қилинганди.
Изоҳ (0)