Мадриднинг “Реал” клуби ҳужумчиси Антонио Кассано “Барселона”ни ёқтиришини айтди.
Мен “Реал”да ўйнаганман, аммо ҳеч қачон “Барселона”да ўйнаш имкониятига эга бўлмаганман. Лекин мен “Барса” клубини ёқтирганман ва ҳанузгача клубга бўлган меҳрим сақланиб қолган. “Барса”нинг ўйин услуби мафтун этади. У ерда фақат ғалаба қозонишни эмас, балки футболдан завқланиш ҳақида ҳам ўйлашади. Тўпга эгалик қилиш, ҳужумкор ўйин — ҳеч қайси жамоа буни “Барса”дек амалга ошира олмайди. Клуб футболчилари ҳеч нарсадан қўрқмайди” дея Кассанонинг сўзларини келтиради Barca Universal нашри.
Маълумот учун, Кассано “қироллик клуби” сафида 2006 йилдан 2008 йилгача ўйнаган. Бу даврда у барча мусобақаларда жами 29 та ўйинда майдонга тушиб, тўртта гол урган.
Аввалроқ “Барселона” Испания Суперкубоги финалида “Реал” устидан ғалаба қозониб бош совринни қўлга киритгани хабар қилинганди. 19 турдан сўнг Каталония клуби 38 очко тўплаб, турнир жадвалида 3-ўринда бормоқда.
Изоҳ (0)