Футбол бўйича Испания Ла Лигасининг 15-турида “Барселона” 3 декабрь, якшанба куни “Атлетико”га қарши баҳс олиб борди.
Учрашувнинг 28-дақиқасида Жоау Феликс собиқ жамоаси дарвозасини ишғол қилди. Биринчи бўлимнинг қолган дақиқаларида “Атлетико”нинг уч футболчиси сариқ карточка олганидан бошқа ёрқинроқ вазиятлар бўлмади.
Иккинчи бўлим ҳам биринчисидек асабий ҳолда давом этди. Ўйиннинг сўнгги 10 дақиқаси “матрасчилар”нинг доминантлиги остида ўтди. Ҳатто, бир вазиятда Гризманнинг жаримадан тепган тўпи ўз ҳудудида бўлган де Йонгнинг қўлига тегди. Бироқ, ҳакам қўл танага ёпишиб турганини ҳисобга олиб, пенальти бермади. Қолган дақиқаларда дарвозалар ишғол этилмади ва ўйин “кўк-анорранглилар”нинг кичик ҳисобдаги ғалабаси билан якунланди.
“Барселона” ушбу ғалабадан сўнг очколари сонини 34 тага етказди ва 3-ўринга кўтарилиб олди. Мағлубиятга учраган мадридликлар 31 очко билан 4-ўринга тушди.
Ла Лига
15-тур баҳси
3 декабрь, якшанба
“Барселона” – “Атлетико” 1:0
Гол: 1:0 – 28 Жоау Феликс.
“Барселона”: Пеня, Кунде, Кристенсен, Араухо, Жоау Канселу, Гундўған, де Йонг, Педри, Рафинья (Ямал, 77), Жоау Феликс (Ферран Торрес, 77), Левандовски.
“Атлетико”: Облак, Молина (Аспиликуэта, 46), Хименес (Лино, 46), Эрмосо, Витцель, Рикельме (Корреа, 46), Коке (Сауль, 66), Де Пол, Льоренте, Гризманн, Мората (Депай, 65).
Огоҳлантиришлар: Хименес (31), Витцель (34), Коке (38), Аспиликуэта (47), Жоау Феликс (50), Ферран Торрес (78), Араухо (79), Хави (82), Жоау Канселу (87).
Изоҳ (0)