Футбол бўйича Испания Ла Лигасининг 16-турида “Барселона” 10 декабрь, якшанба куни “Жирона”га қарши баҳс олиб борди.
Учрашувнинг 12-дақиқасида Артём Довбик ҳисобни очди. 19-дақиқада Робер Левандовски бурчакдан ошириб берилган тўпни боши билан дарвозага жойлаб, мувозанатни тиклади. Биринчи бўлим охирлаб қолганда, “Жирона” футболчиси Мигел Гутеррес жамоасини ҳисобда олдинга олиб чиқди.
Иккинчи бўлимда ҳам жамоалар ҳужумкор ўйин намойиш этди. 80-дақиқага келиб, ҳисоб ўзгарди. Захирадан майдонга тушган Валери Фернандес Пеня дарвозасини ишғол этди. 90+2-дақиқада Илкай Гундўған ҳисобни қисқартирди. 90+5-дақиқада Стуани учрашувга якуний нуқтани қўйди.
“Жирона” ушбу ғалабадан сўнг очколари сонини 41 тага етказди ва мусобақа жадвалида етакчиликни қўлга олди. “Барселона” эса 34 очко билан 4-поғонани банд этди.
Ла Лига
16-тур баҳси
10 декабрь, якшанба
“Барселона” – “Жирона” 2:4
Голлар: 0:1 – 12 Довбик, 1:1 – 19 Левандовски, 1:2 – 40 Мигел Гутеррес, 1:3 – 80 Фернандес, 2:3 — 90+2 Гундўған, 2:4 — 90+5 Стуани.
“Барселона”: Пеня, Кунде, Кристенсен (Балде, 65), Араухо, Жоау Канселу, Гундўған, де Йонг, Педри (Лопес, 80), Рафинья (Ферран Торрес, 65), Жоау Феликс (Ямал, 65), Левандовски.
“Жирона”: Гассанига, Ян Коуто (Фернандес, 78), Блинд, Давид Лопес, Эрик Гарсия, Мигел Гутеррес, Алеиш Гарсия, Мартин, Сиганков (Порту, 78), Савио, Довбик (Стуани, 73).
Огоҳлантириш: Блинд (64).
Изоҳ (0)